სოფიო ხორგუანი
სოფიო ხორგუანი (დ. 30 მარტი, 1974, გულრიფში) — ქართველი ადამიანის უფლებათა დამცველი, ბიზნესმენი, პოლიტიკოსი. საქართველოს სახალხო დამცველის მოადგილე 2007 წლის აგვისტოდან 2009 წლის იანვრამდე.
1996 წელს დაამთავრა თბილისის სახელმწიფო უნივერსიტეტის სოხუმის ფილიალის ფილოლოგიური ფაკულტეტი გერმანული ენის სპეციალობით. 2000 წელს დაამთავრა თბილისის სახელმწიფო უნივერსიტეტის ასპირანტურა გერმანული ლიტერატურის სპეციალობით. დასრულებული აქვს საქართველოს ტელევიზიისა და რადიომაუწყებლობის კორპორაციასთან არსებული დიქტორთა და წამყვანთა კურსები (1996), თბილისის პოლიტიკური სწავლების სკოლა (2003), მარშალის უსაფრთხოების სწავლების ცენტრი (გერმანია, 2007), თბილისის ჰუმანიტარული უნივერსიტეტის მაგისტრატურა, სპეციალობა – „საჯარო სამართალი“ (2008).[1] მუშაობდა მასწავლებლად, ჟურნალისტად, 2007 წლის აგვისტოდან 2009 წლამდე იყო სახალხო დამცველის მოადგილე.[2] 2009-2011 წლებში რესპუბლიკური პარტიის აქტიური წევრი იყო.[3].