სომხეთის ტურიზმი

ტურიზმი სომხეთის ეკონომიკის ერთ-ერთი მთავარი სექტორი გახდა 1990-იანი წლებიდან. ყოველწლიურად ქვეყანას ნახევარი მილიონი მნახველი სტუმრობს, ძირითადად ეთნიკური სომხები დიასპორებიდან. როგორც სომხეთის ეკონომიკის სამინისტრო იუწყება, ტურისტების უდიდესი ნაწილი დსთ-ის ქვეყნებიდან მოდის, ძირითადად რუსეთიდან; ასევე საქართველოდან, ევროკავშირის ქვეყნებიდან, ირანიდან და აშშ-დან.

მიუხედავად იმისა, რომ რესურსები მწირია, ტურიზმის სექტორის ზრდის მიზნით, სომხეთი ინვესტირებას ახდენს ახალი სასტუმროების მშენებლობაში. ძირითადი ღირსშესანიშნაობებია ღია ცის ქვეშ აქტივობა და პეიზაჟები. პოპულარული საზაფხულო ტურისტული ადგილია მსოფლიოს ერთ-ერთი უდიდესი მთის ტბა სევანი. ზამთარში, ღიაა სამთო-სათხილამურო კურორტი წაღკაძორი, რომელიც მთელი წლის განმავლობაში ასევე ღიაა ფეხით ხეტიალისა და პიკნიკისათვის. სომხეთიდან მოჩანს თურქეთის ტერიტორიაზე მდებარე არარატის მთა, სადაც გაჩერდა ნოეს კიდობანი. დედაქალაქ ერევანში ფუნქციონირებს ოპერა, თეატრები და სხვა კულტურული დაწესებულებები. ტურისტებს შორის ასევე პოპულარობით სარგებლობს არგავანდის სამორინეები.

2000-იანი წლებიდან სომხეთში ტურიზმი თანდათანობით იზრდება. სომხეთის რესპუბლიკის ეკონომიკის სამინისტროს ინფორმაციით, 2009 წელს ქვეყანას 575 281 ტურისტი ეწვია, 3%-ით მეტი ვიდრე წინა წელს, 2010 წლისთვის კი, მსოფლიო ეკონომიკის სტაბილიზაციასთან ერთად, ნავარაუდევი იყო ამ მაჩვენებლის 5%-იანი ზრდა. 2011 წლისთვის, სომხეთი 800 000 ტურისტს ელოდებოდა, წინა წლის მაჩვენებელზე 13%-ით მეტს. სომხეთი ტურისტებს თავგადასავლების შესაძლებლობითა და თავის ისტორიით იზიდავს. დედაქალაქ ერევანში აშენდა ახალი სასტუმროები, მათ შორის ჰილტონი, ინტერკონტინენტალი და კემპინსკი.

იუნესკოს მსოფლიო მემკვიდრეობის ძეგლები

სომხეთში იუნესკოს მსოფლიო მემკვიდრეობის რამდენიმე ძეგლი მდებარეობს:

• ახპატისა და სანაინის მონასტრები — 1996 წლიდან.
• ეჩმიაძინის საკათედრო ტაძარი და ეკლესიები, ზვართნოცის არქეოლოგიორი ძეგლი — 2000 წლიდან.
• გეღარდის მონასტერი და მდინარე აზატის ზემო ხეობა — 2000 წლიდან.

• 
  ახპატის მონასტერი
• 
  სანაინის მონასტერი
• 
  ზვართნოცის არქეოლოგიორი ძეგლი
• 
  გარნის ტაძარი
• 
  გეღარდის მონასტერი
• 
  აზატის ზემო ხეობა

რესურსები ინტერნეტში

• სომხეთი, ტურისტული მეგზური ვიკივოიაჟზე
• Armenian properties inscribed on the World Heritage List