სიმონ ვაჩნაძე (ოფიცერი)

სიმონ სოლომონის ძე ვაჩნაძე — XIX საუკუნის ქართველი სამხედრო პირი, მთარგმნელი. არქიმანდრიტ ილარიონ ვაჩნაძის ძმისწული.

ბავშვობაშივე იოანე ბატონიშვილის რჩევით გაგზავნეს პეტერბურგში. აქ იოანეს ხელმძღვანელობით 1823 წელს რუსულიდან თარგმნა შოტლანდიელი ფილოსოფოს-მორალისტისა და ისტორიკოსის ადამ ფერგიუსონის „ჰსწავლა ზნეობითი და კანონი პატიოსნისა კაცისა“ (ხელნაწ. H-851, 1197, 2196; S-304), რომელიც ა. ბესტუჟევის მიერ ფრანგულიდან იყო ნათარგმნი (1807). სიმონ ვაჩნაძეს ეკუთვნის აგრეთვე 2 ლექსი. შემდგომ პერიოდში ის რუსეთის იმპერიის სამხედრო სამსახურში იყო. მონაწილეობდა რუსეთ-სპარსეთის ომში (1826-1828). 1853 წელს ის იყო პოდპოლკოვნიკი ერევნის პოლკში, რომელიც იმ დროს მანგლისში იდგა. დაჯილდოებული იყო წმ. გიორგის IV ხარისხის ორდენით (26 ნოემბერი, 1854).

ლიტერატურა

ბერძნიშვილი მაქს., მასალები XIX ს. პირველი ნახევრის ქართული საზოგადოებრიობის ისტორიისათვის, II, თბ., 1983. — გვ. 19.