გლორია სვენსონი
გლორია ჯოზეფინა მეი სვენსონი (ინგლ. Gloria Josephine May Swanson; დ. 27 მარტი, 1899 — გ. 4 აპრილი, 1983) — ამერიკელი მსახიობი, პროდიუსერი. მუნჯი კინოს ეპოქის ერთ-ერთი ყველაზე კაშკაშა ვარსკვლავი, თეატრისა და ტელევიზიის მსახიობი. თანამედროვე მაყურებლისთვის ძირითადად ცნობილია, როგორც მთავარი როლის შემსრულებელი ბილი უაილდერის ნუარის ჟანრის ფილმში „სანსეტ ბულვარი“. მსახიობის პოპულარობის პიკი 1920-იანი წლებიდან დაიწყო. ფილმის პრემიერებზე უამრავი ადამიანი იყრიდა თავს, მისთვის რომ წამიერად მაინც შეევლოთ თვალი. თაყვანისმცემლები კვირაში 10 000 წერილს უგზავნიდნენ. მილიონობით ქალი იღებდა მისი ჩაცმის სტილსა და ინოვაციური თმის ვარცხნილობას.[1]
| გლორია სვენსონი | |
|---|---|
 გლორია სვენსონი 1941 წ. | |
| დაბადების თარიღი |
27 მარტი, 1899 ჩიკაგო, ილინოისი, აშშ |
| გარდაცვალების თარიღი |
4 აპრილი, 1983 ნიუ-იორკი, აშშ |
| მოქალაქეობა |
 აშშ |
| პროფესია | მსახიობი |
| აქტიური | 1914-1981 |
| მეუღლე(ები) | 6 |
| შვილ(ებ)ი | 3 |
| ხელმოწერა |
 |
ბიოგრაფია/კარიერა
რედაქტირება
გლორია სვენსონი დაიბადა 1899 წლის 27 მარტს ჩიკაგოში, ილინოისის შტატში. ადელაიდა (დაბ. კლანოვსკი) და ჯოზეფ თეოდორე სვენსონის ერთადერთი ქალიშვილი. სწავლობდა ჰოტორნის აკადემიაში. მამა ლუთერანული შვედურ-ამერიკული ოჯახიდან იყო, დედას კი გერმანული, ფრანგული და პოლონური წარმომავლობა ჰქონდა.
ჯოზეფ სვენსონი ამერიკის შეერთებული შტატების არმიის ჯარისკაცი იყო და ოჯახი ხშირად იცვლიდა საცხოვრებელ ადგილს. გლორია სვენსონმა ბავშვობის უმეტესობა პუერტო-რიკოში გაატარა, სადაც ისწავლა ესპანური ენა. იგი ასევე ცხოვრობდა ფლორიდაში, კი-უესტში.
1914 წელს, როდესაც სვენსონი 15 წლის იყო, ის, დეიდის რჩევით ეწვია ჩიკაგოს პატარა კინოკომპანია Essanay Studios-ს, სადაც მას შესთავაზეს მონაწილეობა მასობრივ სცენებში. რამდენიმე თვის მუშაობის შემდეგ, გოგონამ კვირაში ცამეტნახევარი დოლარი გამოიმუშავა. მან მიატოვა სკოლა სტუდიაში სამუშაოდ სრულ განაკვეთზე.
მალე მისი მშობლები გაშორდნენ. გლორია და მისი დედა საცხოვრებლად კალიფორნიაში გადავიდნენ.
.jpg)
1928 წლიდან მსახიობი ვეგეტარიანელი გახდა და დაიწყო ამ ცხოვრების წესის აქტიური პოპულარიზაცია. მას სოციალური ღონისძიებების დროს თან დაჰქონდა ვეგეტარიანული საკვები. მაკრობიოტიკური დიეტის შესახებ მოუთხრო მსახიობ დირკ ბენედიქტს, რომელიც იმ დროს პროსტატის კიბოს ებრძოდა. მან გაითვალისწინა გლორიას რჩევა და უარი თქვა ტრადიციულ თერაპიებზე. შემდგომში თავის გამოჯანმრთელებას, დირკ ბენედიქტი სწორედ ასეთ დიეტას უმადლოდა.[2]
.jpg)
ფილმში „სანსეტ ბულვარი“ გლორია სვენსონს შესთავაზეს ნორმა დესმონდის როლი მას შემდეგ რაც მეი უესტიმ მერი პიკფორდმა, პოლა ნეგრიმ და გრეტა გარბომ უარი განაცხადეს მთავარ როლზე. გლორიასთან ერთად კრიმინალურ დრამაში მუნჯი კინოს ეპოქის მრავალი ვარსკვლავი მონაწილეობდა.[3][4][5]
ფილმის გამოსვლის შემდეგ, გლორია სვენსონმა მიიღო რამდენიმე შემოთავაზება, მაგრამ უარი განაცხადა, რადგან, როგორც მსახიობმა თქვა, მას სთავაზობდნენ ნორმა დესმონდის იმიტაციას. 1956 წელს მან ითამაშა ფილმში „ჩემი ვაჟი ნერონია“. ბოლოს ეკრანზე გამოჩნდა ფილმში „აეროპორტი 1975“, სადაც საკუთარი თავი განასახიერა. ამასთან, იგი ბევრს თამაშობდა თეატრალურ და სატელევიზიო სპექტაკლებში, იყო აქტიური მეწარმე, ბევრს მოგზაურობდა, ხატავდა სურათებს და ქმნიდა ქანდაკებებს.[6]
გლორია სვენსონის პოპულარობის მწვერვალზე, მაყურებელი კინოჩვენებებზე არა მხოლოდ ფილმის, არამედ მსახიობის გარდერობის, მისი ვარცხნილობის სანახავად დადიოდა. გლორიას სამოსს ამშვენებდა ძვირფასი ქვები, მძივები, ფარშევანგის და / ან სირაქლემას ბუმბული და მაღალი მოდის სხვადასხვა ელემენტები. მთელი მსოფლიოს ქალები ბაძავდნენ სამკაულების ტარებასა თუ ვარცხნილობაში. გლორია სვენსონი ითვლება მსოფლიოში ერთ-ერთ ყველაზე ფოტოგრაფირებად ქალბატონად.[7][8]
1975 წელს გლორიამ ტურნე მოაწყო შეერთებულ შტატებში, რა დროსაც საზოგადოებას გააცნო მისი მომავალი მეექვსე ქმრის, უილიამ დაუფტის მიერ დაწერილი სამეცნიერო ნარკვევი შაქრის შესახებ, Sugar Blues. ხსენებული წიგნის მეშვეობით გლორიამ გაიცნო ჯონ ლენონი და მისი ცოლი იოკო ონო (ლენონმა იყიდა Sugar Blues-ის მრავალი ასლი და გაუგზავნა მეგობრებს. აღსანიშნავია, რომ გლორია სვენსონი დაეხმარა ჯონ ლენონს ამერიკის შეერთებული შტატების მოქალაქეობის მიღებაში.[9]
გლორია სვენსონის ავტობიოგრაფიული წიგნი „Swanson on Swanson“, რომელიც 1980 წელს გამოქვეყნდა Random House-ის მიერ, გახდა ბესტსელერი. წიგნი ითარგმნა ფრანგულ, იტალიურ და შვედურ ენებზე.[10][11][12]
მსახიობმა იოგა შეისწავლა. ის აქტიურად ეწეოდა ინდრა დევის იოგაზე შექმნილი ნაშრომის „Forever Young, Forever Healthy“ (სამუდამოდ ახალგაზრდა, მუდამ ჯანმრთელი) პოპულარიზაციას 1953 წელს.
გლორია სვენსონი იყო რესპუბლიკელი და მხარს უჭერდა ვენდელ ვილკს 1940 და 1944 წლების საპრეზიდენტო არჩევნებში. ასევე ბარი გოლდუოტერს 1964 წლის არჩევნებში. 1980 წელს მსახიობი გახდა რეიგან-ბუშის საარჩევნო კამპანიის ნიუ-იორკის განყოფილების „Seniors for Reagan-Bush“-ის ხელმძღვანელი.
ექვსი ქორწინების მიუხედავად, მსახიობი მთელი ცხოვრების განმავლობაში ცნობილი იყო როგორც მისის სვენსონი, მიუხედავად იმისა, რომ ყოველ ქორწინებაზე კანონიერად იღებდა ქმრის გვარს.[13]
მსახიობი გარდაიცვალა ნიუ-იორკის საავადმყოფოში გულის უკმარისობისგან 1983 წლის 4 აპრილს 84 წლის ასაკში.[14][15]
მსახიობის გარდაცვალების შემდეგ მისი პირადი ნივთები და ავეჯი 1983 წლის აგვისტოდან სექტემბრამდე გაიყიდა აუქციონებზე.
ლიტერატურა
რედაქტირება- Beauchamp, Cari (2009). Joseph P. Kennedy presents : his Hollywood years (First Vintage books ed.). New York. ISBN 978-0-307-47522-0.[მკვდარი ბმული]
- Dufty, William (1993).Sugar Blues Grand Central Publishing.
- Holbrook, Morris (2011). Music, Movies, Meanings, and Markets : Cinemajazzamatazz. Hoboken: Taylor & Francis. ISBN 978-0-203-81553-3
- Thomson, David (2014). The New Biographical Dictionary of Film (Sixth ed.). New York. ISBN 978-0-375-71184-8.[მკვდარი ბმული]
რესურსები ინტერნეტში
რედაქტირებასქოლიო
რედაქტირება- ↑ Cornell Sarvady, Andrea; Miller, Frank; Haskell, Molly; Osborne, Robert. Leading Ladies: The 50 Most Unforgettable Actresses of the Studio Era (англ.). — Chronicle Books (англ.)русск., 2006. — P. 185. — ISBN 0-8118-5248-2.[მკვდარი ბმული]
- ↑ "William F. Dufty, 86; Wrote 'Lady Sings the Blues' and 'Sugar Blues'". Los Angeles Times. July 4, 2002.
- ↑ Williams, David (November 30, 2018). "Beyond The Frame: Sunset Boulevard –". ascmag.com. The American Society of Cinematographers. Retrieved May 27,2020.
- ↑ Staggs, Sam. Close-up on Sunset Boulevard: Billy Wilder, Norma Desmond, and the Dark Hollywood Dream (ინგლ.). — Macmillan, 2003. — P. 54. — ISBN 0-312-30254-1[მკვდარი ბმული].
- ↑ "The 23rd Academy Awards 1951". Oscars.org. Academy of Motion Picture Arts and Sciences. Retrieved May 27, 2020.
- ↑ "Straightaway – Gloria Swanson portrays an aging movie queen". The Philadelphia Inquirer. December 15, 1961.
- ↑ see Four Fabulous Faces: Swanson, Garbo, Crawford, Dietrich by Larry Carr, 1970, Galahad Books, ISBN 0-88365-044-4[მკვდარი ბმული] and Without Lying Down: Frances Marion and the Powerful Women of Early Hollywood by Cari Beauchamp, University of California Press, 1998, ISBN 0-520-21492-7
- ↑ "Gloria Swanson's Glamor Never Fades". The Palm Beach Post. November 8, 1975. Retrieved May 27, 2020.
- ↑ Hunter Davies (2012) The John Lennon Letters, page 310, Little, Brown and Company ISBN 978-0-316-20080-6
- ↑ (Welsch 2013, p. 396). «Swanson produced many draft versions of her autobiography over many years. There are holographs [handwritten manuscripts] as well as typescripts, notes, and lists, many annotated in her hand. I have referred to these in the notes as 'GS manuscript,' indicating when relevant her efforts at revision or deletion.»
- ↑ Swanson on Swanson, 1981, Random House, p. 419
- ↑ Swanson on Swanson, 1981, Random House, p. 472
- ↑ Shearer, Stephen Michael. Gloria Swanson: The Ultimate Star (неопр.). — Thomas Dunne Books (ინგლ.)., 2013. — ISBN 9781250013668.
- ↑ Peter B. Flint, "Gloria Swanson Dies; 20s Film Idol, New York Times, Apr. 5, 1983, at D00027
- ↑ Peter B. Flint. Gloria Swanson Dies. 20's Film Idol[მკვდარი ბმული] (5აპრილი 1983), С. A1. «Gloria Swanson, a symbol of enduring glamour who was perhaps the most glittering goddess of Hollywood's golden youth in 1920s, died of a heart ailment yesterday in New York Hospital. She was 84 years old. The actress entered the hospital two weeks ago after suffering what friends said was a mild heart attack.