სენეგალის დემოგრაფია

სტატია მოიცავს სენეგალის მოსახლეობის ისეთ დემოგრაფიულ მონაცემებს როგორიცაა: სიმჭიდროვე, ეთნიკური ჯგუფები, განათლების და ჯანმრთელობის დონე, ეკონომიკური სტატუსი, რელიგიური კუთვნილება და სხვა ასპექტები.

სენეგალის მოსახლეობის დაახლოებით 70% სოფლად ცხოვრობს. სიმჭიდროვე ერთ კვადრატულ კილომეტრზე 2-დან 77 ადამიანამდე მერყეობს. სენეგალში დაახლოებით 50 000 ევროპელი (ძირითადად ფრანგები) ასევე ლიბანელები და ვიეტნამელები ცხოვრობენ. ოფიციალური ენა ფრანგულია, თუმცა მას რეგულარულად მხოლოდ წერა-კითხვის მცოდნე უმცირესობა იყენებს. უმეტესობა ადგილობრივ ენებზე საუბრობს, რომელთა შორისაც ყველაზე ფართოდ ვოლოფი გამოიყენება.

მოსახლეობა

1950 წელს სენეგალის მოსახლეობა მხოლოდ 2,416,000-ს შეადგენდა, ხოლო 2010 წლისთვის უკვე 12,434,000 ადამიანს. მათ შორის 15 წელზე ნაკლები ასაკის მქონე ბავშვები მთლიანი მოსახლეობის 43.7%-ს შეადგენდნენ, 15-65 ასაკის ადამიანები 53.9% ხოლო 65 წელს გადაცილებული 2.4%-ს.^[1]

ეთნიკური ჯგუფები

მთავარი სტატია: სენეგალის ეთნიკური ჯგუფები.

სენეგალის ყველაზე მსხვილი ეთნიკური ჯგუფებია: ვოლოფი 38.7%, ფულბე 26.5%, სერერები 15%, მანდინკა 4.2%, ჯოლა 4%, სონინკები 2.3%, და სხვა მცირე ჯგუფები 9.3% (მათ შორის 50,000 ევროპელი და ლიბანელები) (2010–2011 est.)^[2]