სემ ელერდაისი
სემუელ „სემ“ ელერდაისი (ინგლ. Sam Allardyce; დ. 19 ოქტომბერი, 1954, დადლი) — ინგლისელი საფეხბურთო მწვრთნელი და ყოფილი ფეხბურთელი. 2011 წლის შემდეგ ის არის ვესტ ჰემ იუნაიტედის თავკაცი.
 სემ ელერდაისი ბოლეინ გრაუნდზე 2014 წელს | |||
| პირადი მონაცემები | |||
|---|---|---|---|
| სრული სახელი | სემუელ ელერდაისი | ||
| დაბადების თარიღი | 19 ოქტომბერი, 1954 | ||
| დაბადების ადგილი | დადლი, ინგლისი | ||
| სიმაღლე | 191 სმ | ||
| სათამაშო პოზიცია | მცველი | ||
| საკლუბო ინფორმაცია | |||
| მიმდინარე კლუბი | ვესტ ჰემ იუნაიტედი (მთავარი მწვრთნელი) | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 1973-1980 | ბოლტონ უონდერერსი | 184 | (21) |
| 1980-1981 | სანდერლენდი | 25 | (2) |
| 1981-1983 | მილუოლი | 63 | (2) |
| 1983 | ტამპა ბეი როუდისი | 11 | (1) |
| 1983-1984 | ქოვენთრი სიტი | 28 | (1) |
| 1984-1985 | ჰადერსფილდ თაუნი | 37 | (0) |
| 1985-1986 | ბოლტონ უონდერერსი | 28 | (1) |
| 1986-1989 | პრესტონ ნორს ენდი | 90 | (2) |
| 1989-1991 | ვესტ ბრომვიჩ ალბიონი | 1 | (0) |
| 1991-1992 | ლიმერიკი | 23 | (3) |
| 1992 | პრესტონ ნორს ენდი | 3 | (0) |
| სამწვრთნელო კარიერა | |||
| 1989-1991 | ვესტ ბრომვიჩ ალბიონი (ასისტენტი) | ||
| 1991-1992 | ლიმერიკი (მოთამაშე-მწვრთნელი) | ||
| 1992 | პრესტონ ნორს ენდი (დროებითი მწვრთნელი) | ||
| 1994-1996 | ბლექპული | ||
| 1997-1999 | ნოთს ქაუნთი | ||
| 1999-2007 | ბოლტონ უონდერერსი | ||
| 2007-2008 | ნიუკასლ იუნაიტედი | ||
| 2008-2010 | ბლექბერნ როვერსი | ||
| 2011- | ვესტ ჰემ იუნაიტედი | ||
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
როგორც ფეხბურთელმა, ელერდაისმა მონაწილეობა მიიღო 400-ზე მეტ შეხვედრაში და ითამაშა ბოლტონ უონდერერსის, სანდერლენდის, მილუოლის, ტამპა ბეი როუდისის, ქოვენთრი სიტის, ჰადერსფილდ თაუნის, პრესტონ ნორს ენდის, ვესტ ბრომვიჩ ალბიონის და ლიმერიკის რიგებში. სამწვრთნელო კარიერაში გადაბარგების შემდეგ ის თავკაცობდა ლიმერიკს, ბლექპულსა და ნოთს ქაუნთის, საიდანაც გადაბარგდა ბოლტონ უონდერერსში და ამ გუნდის მწვრთნელი იყო 1999-დან 2007 წლამდე. მან ბოლტონი გაიყვანა ინგლისის ლიგის თასის ფინალში და ისტორიაში პირველად მოაპოვებინა გუნდს უეფას თასის საგზური.
ნიუკასლ იუნაიტედსა და ბლექბერნ როვერსში მოღვაწეობის შემდეგ 2011 წელს ელერდაისმა ვესტ ჰემ იუნაიტედი ჩაიბარა, რომელიც იმხანად ახალი გავარდნილი იყო პრემიერ ლიგიდან. ამჟამად არსენ ვენგერის შემდეგ სემი პრემიერ ლიგაში მეორე მწვრთნელია, რომელიც ყველაზე დიდ ხანს უდგას სათავეში ერთ კლუბს.