სემიჰ ერდენი

სემიჰ ერდენი (დ. 28 ივლისი, 1986, ისტამბული, თურქეთი) — თურქი პროფესიონალი კალათბურთის მოთამაშე. ამჟამად თამაშობს თურქეთის საკალათბურთო სუპერლიგის კლუბ პინარ კარსიაკაში. პოზიციით არის ცენტრი.

სემიჰ ერდენი
სემიჰ ერდენი 2010 წლის ფიბას მსოფლიო ჩემპიონატის დაჯილდოვებაზე
№ 9 – პინარ კარსიაკა
ცენტრი
პირადი ინფორმაცია
დაიბადა	28 ივლისი, 1986 (1986-07-28) ისტამბული, თურქეთი
ეროვნება	თურქი
სიმაღლე	213 სმ
წონა	109 კგ
კარიერა
NBA-ის დრაფტი	2008 / რაუნდი: 2 / არჩევა: 60-ე
არჩეული ბოტონ სელტიქსი
პროფესიონალური კარიერა	2003–დღემდე
ლიგა	NBA
კარიერის ისტორია
2003 - 2004	დარუსაფაკა
2004 - 2005	პარტიზანი
2005 - 2010	ფერენბახჩე
2010 - 2011	ბოსტონ სელტიქსი
2011 - 2012	კლივლენდ კავალიერსი
2011	ბეშიქთაში
2012 - 2014	ანადოლუ ეფესი
2014 - 2015	ფერენბახჩე
2015 - 2017	დარუსაფაკა
2017	ჰასეტეპე უნივერსიტესი
2017 - 2018	ბეშიქთაში
2018 - 2019	ისტამბულ BSB
2019 -	პინარ კარსიაკა
კარიერული მიღწევები და ჯოლდოები
3× თურქეთის ლიგის ჩემპიონი (2007, 2008, 2010) თურქეთის თასის გამარჯვებული (2010) თურქეთის პრეზიდენტის თასის გამარჯვებული (2008) 7× თურქეთის ლიგის ყველა-ვარსკვლავი (2006, 2007, 2010, 2013, 2015–2017) სერბეთის და მონტენეგროს ლიგის ჩემპიონი (2005)
სტატისტიკა NBA.com-ზე
მედლები კაცთა კალათბურთო  თურქეთი ფიბას მსოფლიო თასი ვერცხლი 2010 თურქეთი ევროპის 18-წლამდელთა ჩემპიონატი ვერცხლი 2004 ესპანეთი 18-წლამდელთა

პროფესიონალური კარიერა

ადრეული წლები

2003-2004 წლების სეზონში, ერდენმა თურქეთის საკალათბურთო სუპერლიგის კლუბ დარუსაფაკას მაისურით ერთი თამაშში მიიღო მონაწილეობა და პირად ანგარიშზე 1 ქულა და 2 მოხსნა ჩაიწერა. სეზონის უმეტესი ნაწილი დარუსაფაკას ახალგაზრდულ კლუბში გაატარა.

მომდევნო სეზონში ერდენი კლუბ პარტიზან ბელგრადთან ერთად ადრიატიკის ლიგაში თამაშობდა და საშუალოდ 4.6 ქულასა და 3.2 მოხსნას აგროვებდა. მან ორჯერ დაფიქსირა ორმაგი დუბლი; აგრეთვე, KK ჰემოფარმის წინააღმდეგ პირად მონაგარში ჩაიწერა კარიერის უმაღლესი მაჩვენებელი - 17 ქულა. ევროლიგის ტურნირზე საშუალოდ 3.0 ქულასა 2.3 მოხსნას 12.5 წუთში აგროვებდა. უმაღლესი მაჩვენებელი, 10 ქულა, დააფიქსირა ეფეს პილსენის წინააღმდეგ. 2004-2005 წლების სეზონში იგი აგრეთვე გამოჩნდა იუგოსლავიის საკალათბურთო ლიგაში, რომელშიც საშუალოდ 1.7 ქულასა 0.7 მოხსნას 4.4 ქუთში აგროვებდა.

ფერენბახჩე

2005 წელს ედრენმა კონტრაქტი თურქეთის საკალათბურთო ლიგის კლუბ ფენერბახჩესთან გააფორმა. 18.4 წუთში საშუალოდ 6.5 ქულასა და5.4 მოხსნას აგროვებდა. პირველ სეზონში მისი უმაღლესი მაჩვენებელი იყო 14 ქულა; სეზონში ორმაგი დუბლი 7-ჯერ დააფიქსირა. რვა ევროლიგის თამაშში საშუალოდ 9.1 წუთში 4.5 ქულა და 3.1 მოხსნას აგროვებდა.

კლუბში გატარებულ მეორე სეზონში ერდენი საშუალოდ ნათამაშებ 16.1 წუთში 6.5 ქულასა და 3.8 მოხსნას აგროვებდა. აღნიშნულ სეზონში ევროლიგის თამაშებში პირად ანგარშზე საშუალოდ 13.8 წუთში 4.5 ქულასა და 3.1 მოხსნას იწერდა.

მესამე სეზონში მისი მაჩვენებლები, თურქეთის საკალათბურთო ლიგაში, საშუალოდ ნათამაშებ 19.5 წუთში, 7.1 ქულასა და 4.7 მოხსნას გაუტოლდა. სეზონის განმავლობაში მუხლის დაზიანების გამო მან ბევრი თამაში გამოტოვა. ევროლიგაში იგი საშუალოდ 6.7 ქულას და 4.3 მოხსნას 19.3 წუთში აგროვებდა (3-ჯერ დააფიქსირა ორმაგი დუბლი, ხოლო პანათანიაკოს ათენის წინააღმდეგ კარიერის უმაღლესი მაჩვენებელი 15 ქულა დააგროვა).

NBA

NBA-ის დრაფტი 2008|2008 წლის NBA-ის დრაფტზე]] სემიჰ ერდენი მეორე რაუნდის მესამოცე პიკად ბოსტონ სელტიქსმა აიყვანა. ამ პერიოდში, კონტრაქტის მიხედვით, ერდენს ფერენბახჩესთან ჯერ კიდევ ერთი წელი ჰქონდა დარჩენილი და ამიტომ იგი სელტიქსის როსტერს 2008-2009 წლების სეზონში ვერ შეუერთდა.

2010 წლის 5 ივლისს ბოსტონმა ერდენს ერთწლიანი მინიმალური კონტრაქტი გაუფორმა (2011-2012 წლების სეზონში კონტრაქტის გახანგრძლივების უფლებით).

ბოსტონ სელტიქსის ცენტრების: შაკილ ო’ნილის, კენდრიკ პერკინსისა და ჯერმაინე ო’ნილის ტრამვების გამო, 2010 წლის 9 დეკემბერს სემიჰ ერდენი პირველად მოხვდა გუნდის ძირითად შემადგენლობაში (აღნიშნული მატჩი ფილადელფია სიქსერსის წინააღმდეგ შედგა). 18 წუთში მან 8 ქულა მოიპოვა, ხოლო გუნდმა ანგარიშით 102-101 გაიმარჯვა. ორი ღამის შემდეგ, შარლოტ ბობკატსის წინააღმდეგ გამართულ შეხვედრაში, მეორედ მოხვდა კლუბის ძირითად შემადგენლობაში. ერდენმა თამაშში მატჩის უმაღლესი მაჩვენებელი 41 ერთი წუთი ითამაშა, რა დროშიც 10 ქულა, 7 მოხსნა და 4 დაფარება დააგროვა; მისი +/- მაჩვენებელი +34 იყო.

რესურსები ინტერნეტში

• სპორტსმენის კარიერა საიტზე
• Basketball-Reference.com (ინგლისური)
• Semih Erden დაარქივებული 2009-07-05 საიტზე Wayback Machine. at draftexpress.com
• Semih Erden at eurobasket.com
• Semih Erden at euroleague.net
• Semih Erden at tblstat.net
• Semih Erden at fiba.com