საჭადრაკო ოლიმპიადა 1928

21 ივლისი - 5 აგვისტო 1928 ჰააგა, ნიდერლანდები

ერთი წლის შემდეგ ნიდერლანდების ქალაქ ჰააგაში 17 ქვეყნის ნაკრები შეიკრიბა. მონაწილეთა შორის გამოჩნდნენ ამერიკელები და პოლონელები. ამით ფავორიტთა რიგები გაიზარდა. სწორედ მათ უნდა გაეწიათ მეტოქეობა უნგრელებისათვის, რომელთაც ამ ოლიმპიადზე გეზა მაროცი აკლდათ და საერთოდაც სათადარიგო მოთამაშის გარეშე თამაშობდნენ. უნდა გაეწიათ, მაგრამ ვერ გაუწიეს. უნგრელებმა ამჯერად უფრო დამაჯერებლად მოიგეს ოლიმპიადა და მთელი 4,5 ქულით გაუსწრეს ამერიკელთა გუნდს. აშშს გუნდში ბრწყინვალედ ითამაშა 23 წლის ისააკ კეჟდენმა, რომელმაც 12 პარტია მოიგო 15-დან. ამერიკელთა კეჟდენს სათანადოდ ვერ აუბეს მხარი თანაგუნდელებმა. თუ უნგრელები მატჩების უმრავლესობას სამი ქულით იგებდნენ, ამერიკელები ან 2,5 ქულით იგებდნენ ანაც სულაც ფრედ ამთავრებდნენ მატჩს. იგივე გრაფიკით თამაშობდნენ პოლონელებიც. სწორედ ამან განაპირობა უნგრელთა უპირატესობა. დაფებზე გამარჯვებულნი ისევ ვერ გამოვლინდნენ და საუკეთესონი ჩატარებული პარტიების და მოგროვილი ქულების მიხედვით გამოვლინდა.

ოლიმპიადის დღეებში გაიმართა ფიდეს მორიგი კონგრესი, რომლეზედაც უნდა გადაწყვეტილიყო მოჭადრაკეთა შორის პროფესინალიზმის საკითხი. ამ დისკრიმინაციული კანონის წინააღმდეგ ხმა მისცა ყველა დელეგაციამ და ერთხელ და სამუდამოდ გადაწყდა, რომ მოჭადრაკეთა შორის არავითარი დაყოფა პროფესიონალებად და მოყვარულებად აღარ იარსებებდა.

ტექნიკური შედეგები

მონაწილეობდა 17 ქვეყნის ნაკრები. ტურნირი ჩატარდა წრიული სისტემით.

• 1  უნგრეთი - 404
• 2  აშშ - 39,5
• 3  პოლონეთი - 37
• 4  ავსტრია - 36,5
• 5  დანია - 34
• 6  ჩეხოსლოვაკია - 34
• 7  შვეიცარია - 34
• 8  არგენტინა - 33,5
• 9  ნიდერლანდები - 31,5
• 10  გერმანია - 31,5
• 11  ბელგია - 31
• 12  საფრანგეთი - 31
• 13  შვედეთი - 31
• 14  ლატვია- 30
• 15  იტალია - 26,5
• 16  რუმინეთი - 25,5
• 17  ესპანეთი - 13,5

ჩემპიონის და პრიზიორების შემადგენლობა და შედეგები

•  უნგრეთი

გეზა ნადი 11,5 (9=5-2), ანდრე შტეინერი 11,5 (+10=3-3), არპად ვაიდა 10,5 (+6=9-1), კორნელ გავაში 10,5 (+6=9-1),

•  აშშ

ისააკ კეჟდენი 13 (+12=2-1), ჰერმან სტეინერი 10,5 (+6=9-1), სამუელ ფაქტორი 6,5 (+4=5-2), ერინგ ტოლფსენი 6,5 (+4=5-4), მილტონ ჰანაუერი 3 (+1=4-4)

•  პოლონეთი

კაზიმეჟ მაკარჩუკი 8 (+5=6-5), პაულინ ფრიდმანი 6,5 (+6=1-5), თეოდორ რეგეძინსკი 10 (+8=4-1), მიაჩესლავ ჰვოინიკი 6 (+4=4-3), აბრამ ბლასი 6,5 (+4=5-3).

საუკეთესო ინდივიდუალური მაჩვენებელი

#	მოჭადრაკე	ქვეყანა	ქულა	პარტია	პროცენტი
1	ისააკ კეჟდენი	აშშ	13	15	86,7
2	ანდრე მიუფანი	საფრანგეთი	12,5	16	78,1
3	თეოდორ რეგეძინსკი	პოლონეთი	10	13	76,9
4	ანდრე შტეინერი	უნგრეთი	11,5	16	71,9
5	გეზა ნადი	უნგრეთი	11,5	16	71,9
6	უილიამ რივიერი	შვეიცარია	7,5	11	68,2

ლიტერატურა

• Ю. Авербах, Б. Туров Шахматные олимпиады. Москва. изд. ,,ФиС’’ 1974
• Шахматы. Энциклопедический словарь. Москва. изд. ,,Советская Энциклопедия’’ 1990
• Шахматная Энциклопедия. Москва. 2004.
• Ханамирян Г. Всемирные шахматные Олимпиады. 1927-2006. Ереван: 2006

რესურსები ინტერნეტში

• შედეგები