საჩალის ბზიანის საყდარი

საჩალის ბზიანის საყდარი — ეკლესია ახმეტის მუნიციპალიტეტის სოფელ საჩალეში, დგას სოფლის ჩრდილოეთით 4 კილომეტრზე, მთის ფერდობზე. განეკუთვნება გვიანდელ შუა საუკუნეებს.

ეკლესია გეგმით სწორკუთხაა (11,2 X 5,8 მ), ნაგებია სხვადასხვა ზომის რიყისა და ნატეხი ქვით. წყობა ირეგულარულია. ძეგლი ძლიერ დაზიანებულია: შემორჩენილია კედლების ნაწილები, რომლებიც ხეებით არის დაფარული; ინტერიერი ქვებითა და მიწითაა ამოვსებული. ეკლესიაში შესასვლელი სამხრეთიდანაა (შემორჩენილია წირთხლების ნაწილი). ნახევარწრიული აფსიდა დარბაზისგან მოკლე მხრებითაა გამოყოფილი. აბსიდის ღერძზე შემორჩენილია შირიმის ქვებით გამოყვანილი სარკმლის ქვედა ნაწილი. მის მარჯვნივ ერთი პატარა, კვადრატული ნიშია. ნაგებობას დასავლეთიდან მოზრდილი კონტრფორსი ჰქონია მიდგმული.

ლიტერატურა

• დვალი თ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 139.