საქართველოს საბჭოთა სოციალისტური რესპუბლიკის დროშა
საქართველოს საბჭოთა სოციალისტური რესპუბლიკის დროშა — საქართველოს საბჭოთა სოციალისტური რესპუბლიკის სახელმწიფო სიმბოლო (გერბსა და ჰიმნთან ერთად). საბჭოური დროშა საქართველოში გამოიყენებოდა საბჭოთა რუსეთის მიერ საქართველოს დემოკრატიული რესპუბლიკის ოკუპაციიდან (1921 წ.) 1990 წლამდე. ამ პერიოდში მან რამდენიმე ცვლილება განიცადა. თავდაპირველ ვარიანტებში ის წარმოადგენდა წითელ მართკუთხა ქსოვილს, რომელზეც საქართველოს სსრ-ის სახელი იყო აღბეჭდილი. საბოლოო ვერსია დამტკიცდა 1951 წლის 11 აპრილს. ის განსხავდებოდა წინა ვარიანტებისაგან, მაგრამ ძირითადი ნაწილი — წითელი ფონი უცვლელი დარჩა. დროშაზე გამოსახული იყო ძირითადი საბჭოური სიმბოლოები — ნამგალი, ურო და ხუთქიმიანი ვარსკვლავი. დროშა გააუქმა პირველი დემოკრატიული არჩევნების შედეგად არჩეულმა საქართველოს სსრ უმაღლესმა საბჭომ 1990 წლის 14 ნოემბერს და აღდგა საქართველოს დემოკრატიული რესპუბლიკის დროშა.
-
საქართველოს სსრ-ის დროშა 1921-1922 წლებში -
საქართველოს სსრ-ის დროშა 1922-1937 წლებში -
საქართველოს სსრ-ის დროშა 1937-1951 წლებში
.svg)
.svg)
.svg)
| საქართველოს საბჭოთა სოციალისტური რესპუბლიკის დროშა | |
|---|---|
| საქართველოს საბჭოთა სოციალისტური რესპუბლიკა | |
.svg) | |
| მიღებულია | 1951 წლის 11 აპრილს |
| გაუქმებულია | 1990 წლის 14 ნოემბერს |
| პროპორცია | 1:2 |
| კომპიუტერული დიზაინი |
მართკუთხედის ფორმის წითელი ქსოვილის ზედა მარცხენა კუთხეში ტართან გამოსახულია ცისფერი კვადრატი, რომლის შუაგულშიც წრეა, წრეში კი ნამგალი და ურო, მათ თავზე ხუთქიმიანი ვარსკვლავი. წრიდან კვადრატის გვერდებს 24 სხივი ეფინება. ნამგალი, ურო, ვარსკვლავი და სხივები წითელი ფერისაა. კვადრატის მარჯვენა გვერდის შუაგულიდან დროშას მთელ სიგრძეზე გასდევს ცისფერი ზოლი. |
რესურსები ინტერნეტში
რედაქტირებალიტერატურა
რედაქტირება- ქართული საბჭოთა ენციკლოპედია, ტ. 9, თბ., 1985. — გვ. 245.