ახალი ევროპა (სასტუმრო)
სასტუმრო „ახალი ევროპა“ (აზერბ. Yeni Avropa) — ყოფილი სასტუმრო აზერბაიჯანის დედაქალაქ ბაქოში.
ამჟამად სასტუმროს შენობაში განთავსებულია რუსეთის ნავთობკომპანია „ლუკოილის“ ბაქოს ოფისი. ამჟამინდელი მისამართია ჰაჯი ზეინალაბდინ თაღიევის ქუჩა № 13.
აზერბაიჯანის რესპუბლიკის მინისტრთა კაბინეტის ბრძანების თანახმად, შენობა არის აზერბაიჯანის ადგილობრივი მნიშვნელობის ისტორიისა და კულტურის არქიტექტურული ძეგლი.
ისტორია
რედაქტირებაექვსსართულიანი სასტუმრო აშენდა 1913 წელს მოდერნის სტილში .[1], არქიტექტორ იოზეფ პლოშკოს მიერ[2] შენობის დამკვეთი იყო ბაქოს მენავთობე მუსა ნაგიევი. სასტუმროს შენობა იყო ბაქოს რამდენიმე სასტუმროთაგან ერთ-ერთი და იშვიათი შენობა ქალაქში, რომელიც აღჭურვილია ლიფტებით. საბჭოთა კავშირის პირველ წლებში აზერბაიჯანის სხვა ქალაქებიდან და რეგიონებიდან სტუმრები ჩვეულებრივ სასტუმროში რჩებოდნენ, ხოლო უცხოელები — ინტურისტის სასტუმროში. [3]
რუსი პოეტი სერგეი ესენინი 1925 წელს გაჩერდა აღნიშნულ სასტუმროში, კერძოდ № 59 ოთახში. ასევე ცნობილი სტუმრებიდან აღსანიშნავია რურიკ ივნევი. მის მიერ დაკავებული სასტუმროს № 81 იყო. 1925 წლის ივნისში სასტუმროს ეწვია რუსი მსახიობი ვასილი კაჩალოვი.
1950 წელს ჰეიდარ ალიევი, რომელიც ახალი ჩამოსული იყო ქალაქში სამუშაოდ, დასახლდა სასტუმროს ერთ-ერთ ოთახში. ალიევი აქ რვა თვე დარჩა.[3] მოგვიანებით, ალიევმა გაიხსენა 40-იანი წლების დასაწყისში სასტუმროში ყოფნის შესახებ:
|
„მახსოვს, როგორ ჩამოვედი ბაქოში დაახლოებით 40-იანი წლების დასაწყისში — მაშინ ბაქოში არ ვცხოვრობდი. აქ მოვედი, ოთახი ავიღე და ამ სასტუმრომ იმწამსვე აღფრთოვანება გამოიწვია ჩემში. როდესაც აქ ლიფტი დავინახე, ვიცოდი, რომ იმ დროს ბაქოს არცერთ შენობაში არ იყო ლიფტი და თუ ლიფტი იყო, ძალიან ცოტა ადგილას. მაგრამ ამ შენობაში ლიფტი იყო და ყველას, ვინც ხედავდა, სიამოვნებით იყენებდა მას.“
|
1999 წლის 3 ოქტომბერს, ყოფილი სასტუმროს რესტავრირებულ შენობაში, გაიმართა რუსეთის ნავთობკომპანიის „ლუკოილის“ ახალი ოფისის საზეიმო გახსნა. ცერემონიაზე სიტყვით გამოვიდა აზერბაიჯანის პრეზიდენტი ჰეიდარ ალიევი.[3]
სქოლიო
რედაქტირება- ↑ АКАДЕМИЯ НАУК АЗЕРБАЙДЖАНСКОЙ ССР ИНСТИТУТ АРХИТЕКТУРЫ И ИСКУССТВА Шамиль Фатуллаев ГРАДОСТРОИТЕЛЬСТВО БАКУ XIX - начала XX веков
- ↑ Заплетин Г., Ширин-заде Г. Русские в истории Азербайджана. — Б.: Ганун, 2008. — С. 83. — 366 с.
- ↑ 3.0 3.1 3.2 Речь Президента Азербайджанской Республики Гейдара Алиева на церемонии торжественного открытия нового офиса российской нефтяной компании \"ЛУКойл\" в Баку - 3 октября 1999 года