საპიტიახშო

საპიტიახშო, საპიტიახჩო — ისტორიული სოფელი ქვემო ქართლში, თრიალეთში, მდინარე ქციის მარჯვენა მხარეზე საპონაურისა და ცხვარეთის ხევების პირდაპირ სოფელი დააარსა ჯავახეთიდან ოსმალთა მიერ დევნილმა მოსახლეობამ, სახელიც ჯავახეთში მიტოვებული სოფლის მიხედვით დაერქვა. ჯავახეთის საპიტიახშო მოხსენიებულია „გურჯისტანის ვილაიეთის დიდ დავთარში“ (XVI საუკუნე).

ლიტერატურა

• ლორთქიფანიძე ი., ქვემო ქართლი XVIII საუკუნის პირველ მეოთხედში, ნაწ. 1-2, ტფ., 1935;
• ჯიქია ს., გურჯისტანის ვილაიეთის დიდი დავთარი, წგნ. 3, თბ., 1958;

• ქართული საბჭოთა ენციკლოპედია, ტ. 9, თბ., 1985. — გვ. 94.