სალონიკის ომის მუზეუმი

სალონიკის ომის მუზეუმი
	40°37′11″ ჩ. გ. 22°57′40″ ა. გ. / 40.61972° ჩ. გ. 22.96111° ა. გ.
დაარსდა	2000
ქვეყანა	საბერძნეთი
მდებარეობა	Thessaloniki Municipality
ოფიციალური საიტი	https://www.warmuseumthessaloniki.com/

სალონიკის ომის მუზეუმი (ბერძ. Πολεμικό Μουσείο Θεσσαλονίκης) — ომის მუზეუმი სალონიკში, ცენტრალური მაკედონია, საბერძნეთი.

სალონიკის ომის მუზეუმი გაიხსნა 2000 წლის ოქტომბერში. იგი აშენდა 1900-1902 წლებში და განთავსებულია შენობაში, რომელიც დააპროექტა არქიტექტორმა ვიტალიანო პოსელიმ.

მუზეუმის მისიაა შეინარჩუნოს სამხედრო ისტორიული მეხსიერება და მემკვიდრეობა ჩრდილოეთ საბერძნეთში.

კოლექციები გვიჩვენებს მოვლენებს, რომლებმაც გარდამტეხი როლი ითამაშეს თანამედროვე საბერძნეთის ისტორიაში XX საუკუნის დასაწყისიდან მეორე მსოფლიო ომის ბოლოს გერმანული ძალებისგან საბერძნეთის განთავისუფლებამდე. მათ შორისაა იმ ეპოქის ფოტოები, საბერძნეთის არმიის, საჰაერო ძალებისა და სამხედრო-საზღვაო ფლოტის უნიფორმები, არმიის იარაღები, არტილერიისა და გემების რეპლიკები, ხელოვნების ნიმუშები, ქვაზე ნაკვეთი წარწერები, რუკები, ნახატები, საფოსტო ბარათები და მსგავსი ნივთები სხვა ბალკანური ქვეყნების არმიებიდან.

ეს ექსპონატები გვაძლევს წარმოდგენას ბალკანეთის ომებზე, პირველ მსოფლიო ომზე, მცირე აზიის კამპანიაზე, ბერძნულ-იტალიურ ომზე, აღმოსავლეთ მაკედონიის ციხესიმაგრეების ბრძოლაზე, კრეტის ბრძოლაზე, ოკუპაციასა და წინააღმდეგობის მოძრაობაზე, ბერძნული ძალების როლზე მოკავშირეთა მოქმედებებში ჩრდილოეთ აფრიკაში, იტალიასა და ნორმანდიაში, ასევე საოკუპაციო ძალებისგან განთავისუფლებაზე.

საგამოფენო სივრცეების გარდა, სამხედრო მუზეუმს აქვს ამფითეატრი, მრავალფუნქციური დარბაზი, ისტორიისა და ომის შესახებ წიგნების ბიბლიოთეკა და სასაჩუქრე მაღაზია.^[1]^[2]