რუსთავის შემოერთება — 1115 წელს საქართველოს სამეფო ხელისუფლების მიერ ფეოდალური მონარქიის გაძლიერება-ცენტრალიზაციისათვის გატარებული ერთ-ერთი მნიშვნელოვანი ღონისძიება. 1115 წელს, როდესაც დავით IV აღმაშენებელი მუხრანში იმყოფებოდა და სელჩუკები მის თავდასხმას არ ელოდნენ, გიორგი ჭყონდიდელ-მწიგნობართუხუცესმა მტერს რუსთავი გამოსტაცა და საქართველოს სამეფოს შემოუერთა. დიდი ფეოდალური ქალაქისა და მოხერხებული სტრატეგიული პუნქტის შემოერთებას მტად დიდი მნიშვნელობა ჰქონდა საქართველოს შემდგომი გაძლიერებისათვის.
- მეტრეველი რ., დიდნი საქმენი (XI საუკუნის მეორე ნახევრისა და XII საუკუნის პირველი მეოთხედის საქართველოს ისტორიის ზოგიერთი საკითხი), თბ., 1978;
- ჯავახიშვილი ივ., ქართველი ერის ისტორია, წგნ. 2, თბ., 1965;
- მეტრეველი რ., ქსე, ტ. 8, გვ. 512, თბ., 1984
