რუსთავის მეორე საჯარო სკოლა
რუსთავის მე-2 საჯარო სკოლა (სრული სახელწოდება — სსიპ - შოთა რუსთაველის სახელობის ქალაქ რუსთავის მე-2 საჯარო სკოლა) — ქალაქ რუსთავის ზოგადსაგანმანათლებლო დაწესებულება დაარსდა 1944 წელს, სადაც ასწავლიდა 5 მასწავლებელი და წარმოადგენდა N1 რუსული სკოლის ქართულ ნაწილს.[1] 1948 წელს ცალკე შენობაში გადავიდნენ, ხოლო ამავე წელს რუსთავს ქალაქის სტატუსი მიენიჭა. 1951 წელს სკოლამ სამ მოსწავლეს გადასცა „სიმწიფის ატესტატი“.
| სსიპ - შოთა რუსთაველის სახელობის ქალაქ რუსთავის №2 საჯარო სკოლა | |
|---|---|
 | |
| დაარსდა: | 1944 |
| დირექტორი: | ნინო გავაშელი |
| ტიპი: | საჯარო |
| მოსწავლე: | 932 |
| მისამართი: | საქართველო, რუსთავი, გ. ნიკოლაძის ქ. №6 |
| ტელეფონი: | 242508 |
| ელ. ფოსტა: | rusRustavi2@mes.gov.ge |
დღესდღეობით სკოლაში 932 მოსწავლე და 61 პედაგოგი ირიცხება. სკოლის ამჟამინდელი დირექტორის მოვალეობის შეწსრულებელია ნინო გავაშელი.
სკოლა შედგება ერთი შენობისგან. აქვს ბიბლიოთეკა, სააქტო და სპორტული დარბაზი. მოსწავლეებს შესაძლებლობა აქვთ დახმარებისთვის მიმართონ ფსიქოლოგს და ასევე ემსახურება მანდატურთა სამსახური. მოსწავლეები აქტიურად ღებულობენ მონაწილეობას სახელმწიფო ოლიმპიადებში.[2]
სკოლას აქვს თავისი თვითმართველობა.[3]