რიჩარდ პლანტაგენეტი
რიჩარდ პლანტაგენეტი (ინგლ. Richard Plantagenet, Duke of York) — იორკის მე-3 ჰერცოგი, რიჩარდ კონისბურგის და ანა მორტიმერის (1388—1411) შვილი.
| რიჩარდ პლანტაგენეტი | |
|---|---|
| ინგლ. Richard Plantagenet | |
 | |
| იორკის მე-3 ჰერცოგი | |
| მმართ. დასაწყისი: | 1425 |
| მმართ. დასასრული: | 1460 |
| წინამორბედი: | ედუარდ ნორიჩი |
| მემკვიდრე: | ედუარდ პლანტაგენეტი |
| პირადი ცხოვრება | |
| დაბ. თარიღი: | 21 სექტემბერი 1411 |
| გარდ. თარიღი: | 30 დეკემბერი 1460 |
| გარდ. ადგილი: | დაიღუპა უეიკფილდის ბრძოლაში |
| მეუღლე: | სესილი ნევილი |
| შვილები: |
ანა იორკელი ედუარდ IV, ინგლისის მეფე ედმუნდი (რატლენდის გრაფი) ელიზაბეთ იორკელი მარგარეტ იორკელი ჯორჯი, კლარენსის ჰერცოგი რიჩარდ III, ინგლისის მეფე |
| დინასტია: | იორკები |
| მამა: | რიჩარდ კონისბურგი |
| დედა: | ანა მორტიმერი |
ბიოგრაფია
რედაქტირება1415 წელს რიჩარდი დასაჯეს, როგორც მოღალატე, ხოლო მის ქონებას კონფისკაცია გაუკეთეს. იმავე წელს, აზენკურის ბრძოლაში დაიღუპა რიჩარდის ბიძა (მამის მხრიდან) — ჰერცოგი ედუარდ იორკი. 1426 წელს, მეფე ჰენრი VI-ის საბჭომ რიჩარდს იორკის ჰერცოგის ტიტული მიანიჭა, ხოლო 1432 წელს — კემბრიჯის გრაფისა და მარჩის გრაფის ტიტულები. მარჩის საგრაფოზე უფლებები მან მიიღო, როგორც დედამისის უშვილო ძმის, ედმუნდ მორტიმერის მემკვიდრემ.
1453—1454 წლებში, მეფე ჰენრი VI-ის ავადმყოფობის დროს, რიჩარდ იორკელი ინგლისის რეგენტი იყო. 1460 წელს პარლამენტმა რიჩარდი ჰენრი VI-ის მემკვიდრედ ცნო, მაგრამ იმავე წელს ის დაამარცხა ჰენრის ცოლმა, მარგარიტა ანჟუელმა.
რიჩარდი დაქორწინებული იყო სესილია ნევილზე, რალფ დე ნევილის, უესტმორლენდის 1-ლი გრაფისა და ჯოან ბოფორტის, მეფე ჰენრი IV-ის დის შვილზე. ამ ქორწინებიდან მას 12 შვილი ჰყავდა, რომელთა უმეტესობაც ახალგაზრდობაში დაიღუპა. მისი ვაჟი, ედმუნდი, რატლენდის გრაფი, დაიღუპა ბრძოლაში, მამასთან ერთად. რიჩარდის ყველაზე ცნობილი შვილები იყვნენ — ედუარდ IV და რიჩარდ III, რომლებიც ინგლისის მეფეები გახდნენ, ხოლო ჯორჯი - კლარენსის ჰერცოგი.
რესურსები ინტერნეტში
რედაქტირება- Richard Plantagenet, 3rd Duke of York: ThePeerage.com. დაარქივებულია ორიგინალიდან — 2011-08-26. ციტირების თარიღი: 31.03.2010.
- Family Tree for Richard Plantagenet, 3rd Duke of York. დაარქივებულია ორიგინალიდან — 2011-08-26. ციტირების თარიღი: 31.03.2010.
- Wars of the Roses: Richard Plantagenet, 3rd Duke of York. დაარქივებულია ორიგინალიდან — 2011-08-26. ციტირების თარიღი: 31.03.2010.