რატი სამყურაშვილი

რატი სამყურაშვილი
დაბადების თარიღი	19 დეკემბერი, 1977
დაბადების ადგილი	ჭიათურა, საქართველოს სსრ, სსრკ
გარდაცვალების თარიღი	6 აპრილი, 2020 (42 წლის)
მოქალაქეობა	სსრკ; საქართველო
ეროვნება	ქართველი
პარტია	ერთიანი ნაციონალური მოძრაობა
მეუღლე/ები	ეკატერინე ტოგონიძე

რატი სამყურაშვილი (დ. 19 დეკემბერი, 1977, ჭიათურა, საქართველოს სსრ, სსრკ — გ. 6 აპრილი, 2020) — ქართველი პოლიტიკოსი, ერთიანი ნაციონალური მოძრაობის წევრი, საქართველოს პარლამენტის ორგზის (2004, 2008) წევრი.

1998 წელს დაამთავრა თბილისის სახელმწიფო უნივერსიტეტის ისტორიის ფაკულტეტის ბაკალავრიატი, 2000 წელს კი ამავე ფაკულტეტის მაგისტრატურა. 2000-2003 წლებში იყო თსუ-ს პოლიტოლოგიის კათედრის ასპირანტი, ხოლო 2012-2014 წლებში სწავლობდა ევროპის საბჭოს თბილისის პოლიტიკური სწავლების სკოლაში.

2001 წელს გახდა პოლიტიკური გაერთიანება — ერთიანი ნაციონალური მოძრაობის წევრი, 2002-2003 წლებში კი იკავებდა ნაციონალური მოძრაობის რეგიონული მდივნის მოადგილის პოსტს. 2004-2008 წლებში იყო საქართველოს მე-6 მოწვევის პარლამენტის წევრი პარტიული სიით, საარჩევნო ბლოკი: „ნაციონალური მოძრაობა — დემოკრატები “ და ნაციონალური მოძრაობის ფრაქციის თავმჯდომარის მოადგილე. 2008-2012 წლებში — საქართველოს მე-7 მოწვევის პარლამენტის წევრი პარტიული სიით , საარჩევნო ბლოკი „ერთიანი ნაციონალური მოძრაობა — გამარჯვებული საქართველოსთვის“. ასევე იყო ევროპის საბჭოს ასამბლეის საპარლამენტო დელეგაციის წევრი.^[1]

რესურსები ინტერნეტში

რატი სამყურაშვილი — საქართველოს ბიოგრაფიული ლექსიკონი
რატი სამყურაშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)

სქოლიო

↑ Rati Samkurashvili დაარქივებული 2016-09-22 საიტზე Wayback Machine. // Assemly.coe.int დაარქივებული 2013-09-01 საიტზე Wayback Machine.

[1] Rati Samkurashvili დაარქივებული 2016-09-22 საიტზე Wayback Machine. // Assemly.coe.int დაარქივებული 2013-09-01 საიტზე Wayback Machine.

[1]