რამსეს IV
რამსეს IV — ძველი ეგვიპტის XX დინასტიის ფარაონი. ქვეყანას განაგებდა სავარაუდოდ ძვ. წ. 1156-1150 წლებში. ფარაონ რამსეს III-ისა და სავარაუდოდ, დედოფალ ტიტის შვილი.
| რამსეს IV | |
|---|---|
| ეგვიპტის ფარაონი | |
| მმართ. დასაწყისი: | ძვ. წ. 1156 |
| მმართ. დასასრული: | ძვ. წ. 1150 |
| წინამორბედი: | რამსეს III |
| მემკვიდრე: | რამსეს V |
| მეუღლე: | დუატენტოპეტი |
| შვილები: | რამსეს V |
| დინასტია: | XX დინასტია |
| მამა: | რამსეს III |
| დედა: | სავარაუდოდ ტიტი |
დაიბადა სავარაუდოდ, ჯერ კიდევ ფარაონ სეთი II-ის მმართველობის დროს და ტახტზე ავიდა 40 წლის ასაკში, მამის რამსეს III-ის მკვლელობის შემდეგ. ფარაონის ტახტზე ასვლის შემდეგ დაიჭირა მამის მკვლელები და სასამართლოს გადასცა.
ფარაონის მეუღლე იყო დუატენტოპეტი, რომლის საფლავიც აღმოჩენილია მეფეთა ველზე. როგორც ჩანს, იგი უნდა ყოფილიყო მემკვიდრე პრინცის დედა. რამსეს IV-ის მეფობა 6 წელი გაგრძელდა.
რამსეს IV-ისა და მამამისის შესახებ მოგვითხრობს ახლო აღმოსავლეთის ისტორიაში ყველაზე მნიშვნელოვანი და ვრცელი ჰარისის პაპირუსი.