რაგბი ზაფხულის ოლიმპიურ თამაშებზე 1900

შეჯიბრებები რაგბიში ზაფხულის II ოლიმპიურ თამაშებზე გაიმართა 14 და 28 ოქტომბერს პარიზში. სულ მონაწილეობდა სამი ნაკრები, რომლებმაც მედლები ერთმანეთს შორის გაითამაშეს ორ მატჩში.

მედლები

მედლების საერთო ჩათვლა

ადგილი	ქვეყანა	ოქრო	ვერცხლი	ბრინჯაო	ადგილი
მედლების საერთო რაოდენობა
1	საფრანგეთი	1	0	0	1
2	დიდი ბრიტანეთი	0	1	0	1
2	გერმანია	0	1	0	1

მედალოსნები

სპორტის სახეობა	ოქრო	ვერცხლი	ბრინჯაო
რაგბი	საფრანგეთი	დიდი ბრიტანეთი	—
		გერმანია

შეჯიბრება

პირველი მატჩი

მატჩი საფრანგეთისა და გერმანიის მორაგბეებს შორის

საბოლოო შედეგი ტაბლოზე საფრანგეთისა და გერმანიის მორაგბეებს შორის მატჩის დამთავრებისას

თარიღი	გამარჯვებული	ანგარიში	წაგებული
14 ოქტომბერი	საფრანგეთი	27-17 (14-5)	გერმანია

პირველი თამაში საფრანგეთისა და გერმანიის ნაკრებებს შორის გაიმართა 14 ოქტომბერს. თამაშის პირველი ნახევრის შემდეგ წინ იყვნენ ფრანგები ანგარიშით 14-5 და მათ შეძლეს შეენარჩუნებინათ უპირატესობა თამაშის ბოლომდე და გაიმარჯვეს ანგარიშით 27-17.

მეორე მატჩი

თარიღი	გამარჯვებული	ანგარიში	წაგებული
28 ოქტომბერი	საფრანგეთი	27-8 (21-0)	დიდი ბრიტანეთი

მეორე თამაში შედგა 28 ოქტომბერს (ოლიმპიადის ბოლო დღე) საფრანგეთისა და დიდი ბრიტანეთის ნაკრებებს შორის. თამაშის პირველ ნახევარში ბრიტანელებმა ვერც ერთი ქულა ვერ მოიპოვეს და მხოლოდ მეორე ნახევარში აიღეს 8 ქულა. საბოლოოდ მატჩი დამთავრდა ფრანგების გამარჯვებით ანგარიშით 27-8.

ჩემპიონები გახდნენ ფრანგები, ხოლო ვერცხლის მედლები მიიღეს ბრიტანელებმაც და გერმანელებმაც, რადგან მათ შორის თამაში მეორე ადგილისათვის არ გამართულა.