- მოსკოვის საქალაქო სასამართლო იწყებს იმ ოთხი სკინჰედის საქმის განხილვას, რომლებსაც ბრალი ედებათ უცხოელთა მკვლელობაში. საბოლოო ჯამში მათ 4 მკვლელობა, 11 თავდასხმა და სამი ქურდობა ჩაიდინეს. მოკლულთა შორს არიან ყაზახეთის, უზბეკეთის, კამერუნისა და ვიეტნამის მოქალაქეები. (რადიო თავისუფლება)
- კოსოვოს პრეზიდენტმა, ფატმირ სეიდუმ, დღეს გამოაცხადა, რომ თანამდებობას ტოვებს - მას შემდეგ, რაც სასამართლოს გადაწყვეტილებით, მან კონსტიტუცია დაარღვია. დროებითი პრეზიდენტი პარლამენტის სპიკერი, იაკუფ კრასნიჩი გახდა - როგორც ეს კონსტიტუციაშია გათვალისწინებული. კოსოვოში საყოველთაო არჩევნები მომავალ წელს არის დანიშნული. (რადიო თავისუფლება)
|