პოპულაცია
პოპულაცია (ლათ. populatio) — გენეტიკაში, ეკოლოგიასა და ევოლუციურ მოძღვრებაში, ერთი სახეობის იმ ინდივიდთა ერთობლიობა, რომლებიც მრავალი თაობს მანძილზე ერთსა და იმავე ტერიტორიაზე ცხოვრობენ, თავისუფლად ეჯვარებიან ერთმანეთს და სხვა ასეთივე ჯგუფებისაგან იზოლირებული არიან ტოპოგრაფიული და ეკოლოგიური ბარიერებით.
არეალი, რომელიც პოპულაციას უკავია, სხვადასხვა სიდიდისაა, რაც უმთავრესად დამოკიდებულია ინდივიდთა მოძრაობის ხარისხზე. პოპულაციის ერთ-ერთი ძირითადი თვისებაა მასში ინდივიდთა რაოდენობის მერყეობა („პოპულაციური ტალღები“). პოპულაცია სახეობის ევოლუციის ერთეულს წარმოადგენს. მასში იქმნება ერთიანი გენეტიკური ფონდი და მიმდინარეობს მიკროევოლუციური პროცესები. არსებობს ავტოგამური, ალოგამური და აგამური პოპულაცია.
ლიტერატურა
რედაქტირება- ი. ჭუჭულაშვილი, ქართული საბჭოთა ენციკლოპედია, ტ. 8, თბ., 1984. — გვ. 161.
- Биологический энциклопедический словарь / Гиляров, М.С. (Гл. ред.), М.: "Сов. энциклопедия", 1989. — გვ. 499. 864 გვ.