პეტრე სემიონოვ-ტიან-შანსკი

რუსი გეოგრაფი, ბოტანიკოსი, სტატისტიკოსი, სახელმწიფო და საზოგადო მოღვაწე

პეტრე სემიონოვ-ტიან-შანსკი (რუს. Семёнов-Тян-Шанский, Пётр Петрович; დ. 14 იანვარი ძვ. სტ. 2 იანვარი, 1827 — გ. 11 მარტი [ძვ. სტ. 26 თებერვალი], 1914) — რუსი გეოგრაფი, ბოტანიკოსი, სტატისტიკოსი, სახელმწიფო და საზოგადო მოღვაწე. რუსეთის გეოგრაფიული საზოგადოების ვიცე-თავმჯდომარე (1873–1914). პეტერბურგის მეცნიერებათა აკადემიის საპატიო წევრი (1873). 1848 წელს დაამთავრა პეტერბურგის უნივერსიტეტის საბუნებისმეტყველო განყოფილება, 1849 წლიდან ატარებდა საექსპედიციო მუშაობას აღმოსავლეთ ევროპის ვაკეზე. 1853–1855 წლებში სწავლობდა გეოგრაფიასა და და გეოლოგიას გერმანიაში, შვეიცარიაში, იტალიასა და საფრანგეთში. 1856–1857 წლებში შეისწავლა ტიან-შანი (ტიან-შანის მეცნიერული შესწავლა 50 წლის შემდეგ აღინიშნა მის გვარზე „ტიან-შანსკის“ მიმატებით). 1859-1860 წლებში მონაწილეობდა საგლეხო რეფორმის მომზადებაში. ვენიამინ სემიონოვ-ტიან-შანსკისა და ანდრია სემიონოვ-ტიან-შანსკის მამა.

პეტრე სემიონოვ-ტიან-შანსკი
დაბ. თარიღი 2 (14) იანვარი, 1827[1] [2]
დაბ. ადგილი რიაზანკა
გარდ. თარიღი 26 თებერვალი (11 მარტი), 1914[1] [2] (87 წლის)
გარდ. ადგილი სანქტ-პეტერბურგი
დასაფლავებულია სმოლენსკის მართლმადიდებლური სასაფლაო
მოქალაქეობა რუსეთის იმპერია
საქმიანობა მკვლევარი, სტატისტიკოსი, გეოგრაფი[3] [4] [5] , ბოტანიკოსი, ენტომოლოგი, ხელოვნების კოლექციონერი[6] და ხელოვნებათმცოდნე
მუშაობის ადგილი Central Statistics Committee[7]
ალმა-მატერი სანქტ-პეტერბურგის სახელმწიფო უნივერსიტეტი
მამა Q28500538?
შვილ(ებ)ი Andrey Semyonov-Tyan-Shansky, Dmitry Semyonov-Tyan-Shansky, Benjamin Semyonov-Tyan-Shansky, Valere Tian და Q115787527?
ჯილდოები წმინდა ალექსანდრე ნეველის ორდენი და სხვა

1889 წელს აირჩიეს რუსეთის ენტომოლოგიური საზოგადოების თავმჯდომარედ. პეტრე სემიონოვ-ტიან-შანსკის მიერ შეგროვებული მწერების კოლექცია ითვლის 700 ათას ეგზემპლარს. მის სახელს ატარებს მრავალი გეოგრაფიული ობიექტი შუა და ცენტრალურ აზიაში, კავკასიაში, ალასკასა და შპიცბერგენზე, მცენარეთა და ცხოველთა დაახლოებით 100 ახალი ფორმა. რუსეთის გეოგრაფიულმა საზოგადოებამ დააწესა პეტრე სემიონოვ-ტიან-შანსკის სახელობის ოქროს მედალი. 1861 წლიდან გარდაცვალებამდე ცხოვრობდა პეტერბურგში, ვასილევსკის კუნძულზე. გარდაიცვალა ფილტვების ანთებით, 87 წლის ასაკში.

იხილეთ აგრეთვე რედაქტირება

თხზულებები რედაქტირება

  • Мемуары, т. 1, 3—4, П., 1915—1917 (т. 2, переизд, под назв. — Путешествие в Тянь-Шань, М., 1946).

რესურსები ინტერნეტში რედაქტირება

ლიტერატურა რედაქტირება

  • Памяти П. П. Семенова-Тян-Шанского. Сб., П., 1914;
  • Петр Петрович Семенов-Тян-Шанский. Его жизнь и деятельность. Сб., Л., 1928;
  • Саушкин Ю. Г., П. П. Семенов-Тян-Шанский как экономико-географ, в сборнике: Отечественные экономико-географы, М., 1957.

სქოლიო რედაქტირება