პენელოპე კრუსი
პენელოპე კრუს სანჩესი (ესპ. Penélope Cruz Sánchez; დ. 28 აპრილი, 1974, მადრიდი) — ესპანელი მსახიობი.
| პენელოპე კრუსი | |
|---|---|
 კრუსი 2012 წელს | |
| დაბადების სახელი | პენელოპე კრუს სანჩესი |
| დაბადების თარიღი |
28 აპრილი, 1974 მადრიდი, ესპანეთი |
| საქმიანობა | მსახიობი |
| მეუღლე(ები) | ხავიერ ბარდემი (2010-) |
| პარტნიორ(ებ)ი | ტომ კრუზი (2001-2004) |
| ოსკარი |
საუკეთესო მსახიობი ქალი მეორეხარისხოვან როლში |
| BAFTA |
საუკეთესო მსახიობი ქალი მეორეხარისხოვან როლში |
ბიოგრაფია
რედაქტირებაპენელოპეს მამა ავტოფარეხის მფლობელი იყო, დედა კი - ქალების სტილისტი. 5 წლის ასაკიდან 9 წლის მანძილზე პენელოპე ცეკვას ეუფლებოდა ეროვნულ კონსერვატორიაში. ამ ხნის განმავლობაში იგი გამოდიოდა ესპანეთისა და ნიუ-იორკის სცენებზე. შემდეგ მანეკენის კარიერა დაიწყო და ჟურნალების გარეკანზე გამოჩნდა. გადაღებულია კლიპებშიც. 14 წლის პენელოპეს მიჰყავდა საბავშვო სატელევიზიო გადაცემა La Quinta Marcha.
პენელოპე კრუსმა სამსახიობო კარიერის დასაწყისში აღსანიშნავი როლი შეასრულა რაფაელ ალკაზას ფილმში „ბერძნული ლაბირინთი“. მის პირველ წარმატებად კი ითვლება ბიგას ლუნას „ლორი, ლორი“ (1992), რომლისთვისაც კრუზი ნომინირებული იყო გოიას ჯილდოზე საუკეთესო მსახიობი ქალისთვის.
პენელოპე კრუსის საერთაშორისო კარიერა უკავშირდება პედრო ალმოდოვარის ფილმს „ყველაფერი დედაჩემის შესახებ“. ამის შემდეგ მსახიობს იწვევენ ინგლისელი, ამერიკელი და ნორვეგიელი რეჟისორები. 2001 წელს კრუსმა ტომ კრუზთან ერთად ითამაშა ფილმში „ვანილის ზეცა“ და მათ შორის რომანი დაიწყო, რომელიც გაგრძელდა 2004 წლამდე. 2006 წლის კანის კინოფესტივალზე პენელოპე კრუსმა მიიღო პრიზი ქალის როლის საუკეთესო შესრულებისთვის პედრო ალმოდოვარის ფილმში „დაბრუნება“.
ფილმოგრაფია
რედაქტირება  |
მოცემული ფილმოგრაფია არ არის სრული. გთხოვთ დაგვეხმაროთ მის შევსებაში. |
| წელი | ქართულად | მშობლიური სახელწოდება | როლი | |
|---|---|---|---|---|
| 1992 | ფ | ლორი, ლორი | Jamón, jamón | სილვია |
| 1993 | ფ | ბერძნული ლაბირინთი | El Laberinto griego | ელიზა |
| 1998 | ფ | ბორცვებისა და ხეობების ქვეყანა | The Hi-Lo Country | ჯოზეფა |
| 1999 | ფ | ყველაფერი დედაჩემის შესახებ | Todo sobre mi madre | როსა |
| 2001 | ფ | ვანილის ზეცა | Vanilla Sky | სოფია სერანო |
| 2003 | ფ | ფანფან ტიტა | Fanfan la Tulipe | ადელინა ლა ფრანჩიზი |
| 2006 | ფ | დაბრუნება | Volver | რაიმუნდა |
| 2007 | ფ | მანოლეტე | Manolete | ანტონინა სინო |
| 2008 | ფ | ვიკი კრისტინა ბარსელონა | Vicky Cristina Barcelona | მარია ელენა |
| 2009 | ფ | შეწყვეტილი ამბორი | Los abrazos rotos | ლენა |
| 2009 | ფ | ცხრა | Nine | კარლა ალბანესე |
| 2011 | ფ | კარიბის ზღვის მეკობრეები: უცნაურ ნაპირებზე | Pirates of the Caribbean: On Stranger Tides | ანჯელიკა |
| 2012 | ფ | სიყვარულით რომში | To Rome with Love | ანა |
| 2012 | ფ | ორჯერ დაბადებული | Venuto al mondo | ჯემა |
| 2013 | ფ | მრჩეველი | The Counselor | ლორა |
რესურსები ინტერნეტში
რედაქტირება