გიორგი პაპაშვილი
გიორგი პაპაშვილი (დ. 23 აგვისტო, 1898, კობიაანთკარი, დუშეთის რაიონი — გ. 29 მარტი, 1978, კემბრია, კალიფორნია) — ქართველი მწერალი და მოქანდაკე.
| გიორგი პაპაშვილი | |
|---|---|
| დაბადების თარიღი | 23 აგვისტო, 1898[1] [2] |
| დაბადების ადგილი | კობიაანთკარი |
| გარდაცვალების თარიღი | 29 მარტი, 1978[1] (79 წლის) |
| გარდაცვალების ადგილი | კამბრია, კალიფორნია, აშშ |
| საქმიანობა | მწერალი და მოქანდაკე |
| მოქალაქეობა |
 აშშ |
ბიოგრაფია
რედაქტირება1921 წელს, როცა წითელი არმია საქართველოში შემოიჭრა, გიორგი პაპაშვილი ჯარში მსახურობდა და მენშევიკებთან ერთად კონსტანტინოპოლში აღმოჩნდა. ორი წლის მანძილზე კონსტანტინოპოლში ცხოვრობდა. თხუთმეტწლიანი ხეტიალის შემდეგ, გიორგი პაპაშვილმა ცოლად ამერიკელი მწერალი ქალი ჰელენ უაიტი შეირთო. წყვილმა ჰელენის მზითევით პენსილვანიის შტატში პატარა ფერმა იყიდა და გიორგიმ მამა-პაპის ხელობას — ხვნა-თესვას მიჰყო ხელი. განსაკუთრებული წარმატება ხვდა წილად მის წიგნს „Anything Can Happen“ („ყველაფერი შეიძლება მოხდეს“; გამოქვეყნდა 1945 წელს, ხოლო ქართულად თბილისში, 1965 წელს), რომელიც იქცა ბესტსელერად და რომლის 1,5 მილიონზე მეტი ეგზემპლარი გაიყიდა მთელ მსოფლიოში. იგივე ნაწარმოები ჰოლივუდის მიერ კინოდ ქცეული გახდა 1952 წელს, ხოსე ფერერისა და კიმ ჰანტერის მონაწილეობით. პაპაშვილი მოხვედრილია აშშ-ში XX საუკუნის ამერიკული მწერლობისა და ხელოვნების ანთოლოგიებში. 1961 წელს გიორგი პაპაშვილი მეუღლესთან ერთად ეწვია საქართველოს, მოინახულა მშობლიური სოფელი, ახლობლები, შეხვდა ქართველ მწერლებს.
რესურსები ინტერნეტში
რედაქტირება- გიორგი პაპაშვილი — ქართველები უცხოეთში
სქოლიო
რედაქტირება- ↑ 1.0 1.1 SNAC — 2010.
- ↑ Artists of the World Online, Allgemeines Künstlerlexikon Online, AKL Online / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL