პაპანწყვილი
პაპანწყვილი — კარსტული ტბა საქართველოში, ხობის მუნიციპალიტეტში.[1] მდებარეობს ურთის სერის სამხრეთ-დასავლეთ კალთაზე, სოფელ ხეთის ტერიტორიაზე.[2] სარკის ფართობი 0,0062 კმ², საშუალო სიღრმე 4,2 მ, მაქსიმალური სიღრმე 7 მ, წყლის მოცულობა 26400 მ³. საზრდოობს წვიმისა და მიწისქვეშა წყლით. გამდინარეა. წყალი მომწვანოა და გამჭვირვალე. ზაფხულობით ტბაში წარმოიქმნება პირდაპირი ტემპერატურის სტრატიფიკაცია.[3] ეკვრის წიწვოვანი ხეები და ფიჭვნარი.
| პაპანწყვილი | |
|---|---|
| კოორდინატები: 42°24′22″ ჩ. გ. 41°49′15″ ა. გ. / 42.40611° ჩ. გ. 41.82083° ა. გ. | |
| მდებარეობა |  საქართველო
|
| ტერიტორიული ერთეული | ხობის მუნიციპალიტეტი (სამეგრელო-ზემო სვანეთის მხარე) |
| ფართობი | 0,0062 კმ² |
| მოცულობა | 0,0000264 კმ³ |
| საშუალო სიღრმე | 4,2 მ |
| მაქსიმალური სიღრმე | 7 მ |
  | |
 | |
ტბის სახელწოდება უკავშირდება ლეგენდას, რომლის თანახმად, მრევლი მღვდელს ეხმარებოდა მოსავლის აღებაში, იგი მათ გამასპინძლებია ძაღლის ხორცით. მის ცოლს ჭამის წინ ფანდურზე დაუმღერია მეგრულად: „ხორცი თეში ვაჭკომათი, დუდ დო ბორკი ვაძირათ“, ესე იგი ხორცი ისე არ ჭამოთ, რომ თავ-ფეხი არ ნახოთო. მუშების წასვლის შემდეგ სახლი ამ ცოდვის გამო მღვდლიანად ჩაძირულა და იმ ადგილზე გაჩენილა ტბა.[2] ამდენად „პაპანწყვილი“ მეგრულად „ჩაძირულ მამაოს“ ნიშნავს.[4]
სქოლიო
რედაქტირება- ↑ საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 134.
- ↑ 2.0 2.1 „პაპანწყვირი“ – ტბა სამეგრელოში
- ↑ აფხაზავა ი., ქართული საბჭოთა ენციკლოპედია, ტ. 7, თბ., 1984. — გვ. 668.
- ↑ „ჩაძირული მამაო“ – მისტიკური ლეგენდა პაპანწყვილის ტბაზე