ოხუნჯი

„ოხუნჯი“ — ქართული ლიტერატურულ-იუმორისტული ჟურნალი, გამოდიოდა თბილისში 1907 წელს. გამოიცა კრებულის სახით 2 ნომერი. რედაქტორი — აკაკი წერეთელი; გამომცემელი — თ. ბაქრაძე. ჟურნალში დაბეჭდილია პოლიტიკური სატირა და კარიკატურები, რომლებიც როტერს (ოსკარ შმერლინგს) ეკუთვნის. თანამშრომლობდნენ ნესტორ კალანდაძე და დ. ხანდამაშვილი.

ლიტერატურა

• ნიშნიანიძე გ., ქართული საბჭოთა ენციკლოპედია, ტ. 7, თბ., 1984. — გვ. 626.