ნიჩბისის განძი

ნიჩბისის განძი — XII-XIII საუკუნეების სპილენძის განძი, აღმოჩნდა 1961 წელს სოფელ ნიჩბისში (მცხეთის მუნიციპალიტეტი). განძის შემადგენლობაში ქართული მონეტების (1426 ცალი) გარდა მცირე რაოდენობით (34 ცალი) იყო შიურვანდული, ილდეღიზიდური და დარუბანდული მონეტები. ნიჩბისის განძის ქართული მონეტები მოჭრილია მეფეების დემეტრე I-ის (1125-1156), გიორგი III-ის (1156-1184), გიორგისა და თამარის (1178-1184), თამარის (1184-1213), ლაშა-გიორგის (1213-1223) სახელით. ნიჩბისის განძის 158 ქართული მონეტის ზუსტი ატრიბუცია ვერ დადგინდა. განძი დაფლულია რუსუდანის მეფობის დროს, სავარაუდოა 1222-1226 წლებში.

ლიტერატურა

• Капанадзе Д. Г., Клад монет XII-XIII вв. из сел Ничбиси, «ს. ჯანაშიას სახელობის საქართველოს სახელმწიფო მუზეუმის მოამბე», 1969, ტ. 28в;

• დუნდუა გ., ქართული საბჭოთა ენციკლოპედია, ტ. 7, თბ., 1984. — გვ. 454.