ნინო რამიშვილის ქუჩა

ნინო რამიშვილის ქუჩა — ქუჩა თბილისში. მდებარეობს ვაკის რაიონში (ვაკე); ილია ჭავჭავაძის გამზირსა და მდინარე ვერის ხეობას შორის. წარმოიქმნა XX საუკუნის 20-იან წლებში. თბილისის ქუჩების 1926 წლის ცნობარში შეტანილია როგორც უნივერსიტეტის I შესახვევი. 1940 წელს — როგორც ნიკო მარის შესახვევი. 1955 წლის ცნობარით უნივერსიტეტის I ჩიხია. 1974 წლის ცნობარით — ილია ჭავჭავაძის პროსპექტის I ჩიხი. ბოლოს ჭავჭავძის გამზირის I შესახვევი დაერქვა. 2007 წელს ნინო რამიშვილის სახელი ეწოდა. ქუჩაზე, №2 სახლში, განთავსებულია ნოდარ დუმბაძის სახლ-მუზეუმი.

ნინო რამიშვილის ქუჩა
საერთო ინფორმაცია
ქვეყანა	საქართველო
ქალაქი	თბილისი
რაიონი	ვაკის რაიონი
უბანი	ვაკე
წინა სახელები	უნივერსიტეტის I შესახვევი, ნიკო მარის შესახვევი, უნივერსიტეტის I ჩიხი, ილია ჭავჭავაძის პროსპექტის I ჩიხი, ჭავჭავძის გამზირის I შესახვევი

ლიტერატურა

• ენციკლოპედია „თბილისი. ქუჩები, გამზირები, მოედნები“, თბ., 2008. — გვ. 144, ISBN 978-99928-20-35-3.