ნაციონალ-კონსერვატიზმი

ნაციონალ-კონსერვატიზმი — კონსერვატიზმის ნაციონალისტური ვარიანტი, რომელიც სხვა კონსერვატული მიმდინარეობებისგან განსხვავებით პრიორიტეტულ მდგომარეობაში აყენებს ეროვნული, ეთნიკური და კულტურული თვითმყოფადობის შენარჩუნებას. ნაციონალ-კონსერვატორებისათვის უცვლელი და პრიორიტეტული ღირებულებებია ოჯახი, რელიგია და ზნე-ჩვეულებები. ისინი მხარს უჭერენ ტრადიციულ საზოგადოებაში არსებული ნორმების შენარჩუნებას და ეწინააღმდეგებიან თავისუფალ მიგრაციას, რომელიც, მათი აზრით, ეთნიკური კონფლიქტების, საზოგადოებრივი უწესრიგობისა და სოციალური არასტაბილურობის წყაროა. ეკონომიკურ საკითხებში ნაციონალ-კონსერვატორების პოზიციები განსხვავდება, ზოგიერთი მათგანი მხარს უჭერს სოციალურ კეთილდღეობაზე ორიენტირებულ ეკონომიკურ მოდელს, ზოგიც – თავისუფალ საბაზრო ეკონომიკას.

ნაციონალ-კონსერვატიული პარტიები

•  ავსტრია — ავსტრიის პარტია თავისუფლებისთვის.
•  უნგრეთი — ფიდესი — უნგრეთის სამოქალაქო კავშირი.
•  საბერძნეთი — სახალხო მართლმადიდებელი კრება.
•  დანია — დანიის სახალხო პარტია.
•  გერმანია — ალტერნატივა გერმანიისთვის.
•  იტალია — ჩრდილოეთის ლიგა,იტალიელი ძმები.
•  ლატვია — ეროვნული ალიანსი — ყველაფერი ლატვიისთვის.
•  ლიეტუვა — წესრიგი და სამართლიანობა.
•  ესპანეთი — ვოქსი.
•  პოლონეთი — კანონი და სამართლიანობა.
•  დიდი ბრიტანეთი — დემოკრატიული სამოკავშირეო პარტია, ტრადიციონალისტური სამოკავშირეო ხმა, დიდი ბრიტანეთის დამოუკიდებლობის პარტია, ეროვნული ფრონტი, ბრიტანული ეროვნული პარტია.
•  რუსეთი — რუსეთის საერო კავშირი, საერო პოლიტიკური პარტია „სამშობლო“, რუსეთის ნაციონალ-კონსერვატიული პარტია.
•  სერბეთი — სერბეთის დემოკრატიული პარტია, ახალი სერბეთი.
•  სლოვაკეთი — სახალხო პარტია — მოძრაობა სლოვაკეთის დემოკრატიულობისთვის.
•  ფინეთი — ნამდვილი ფინელები.
•  საფრანგეთი — ეროვნული ფრონტი, მოძრაობა საფრანგეთისთვის.
•  საქართველო — საქართველოს პატრიოტთა ალიანსი, ქართული მარში, ქართული იდეა, საქართველოს კონსერვატიული პარტია.
•  შვედეთი — შვედი დემოკრატები.
•  შვეიცარია — შვეიცარიის სახალხო პარტია.
•  ნორვეგია — პროგრესის პარტია.
•  აშშ — რესპუბლიკური პარტია.