ნარჩიტასებრნი

ნარჩიტასებრნი (ლათ. Regulidae) — ფრინველთა ოჯახი ბეღურასნაირთა რიგისა. გავრცელებულია ჩრდილოეთ ნახევარსფეროს ტყეებში. ყვითელთავა ნარჩიტა (ლათ. Regulus regulus), იკეთებს თითქმის მრგვალ ბუდეს, რომელიც დაკიდებულია ხეების ზედა ტოტებზე. ტანად პატარაა. აგრეთვე წითელთავა ნარჩიტა (ლათ. Regulus ignicapillus), რომელიც ამიერკავკასიაში ყირიმისა და დასავლეთ უკრაინის ტყეებში გვხვდება. ასპუჭაკასებრი ნარჩიტა (ლათ. Leptopoecile sophiae), რომელიც ბინადრობს ტიან-შანის მთებში, ადრე ამ ოჯახში შედიოდა, დღეისათვის კი სხვა ოჯახშია გაერთიანებული. საქართველოში ფართოდაა გავრცელებული ყვითელთავა ნარჩიტა, აბასთუმნის მიდამოებში — სიღრძეში ნაპოვნია წითელთავა ნარჩიტას ერთადერთი ბუდობის ადგილი.

ნარჩიტასებრნი
ლალისთავა ნარჩიტა (Regulus calendula)
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ფრინველები რიგი:  ბეღურასნაირნი ოჯახი:  ნარჩიტასებრნი
ლათინური სახელი
Regulidae (Vigors, 1825)
სისტემატიკა ვიკისახეობებში სურათები ვიკისაწყობში ITIS   553448 NCBI   2927774 EOL   1612

კლასიფიკაცია

• ნარჩიტასებრნი (Regulidae)
  • ნარჩიტა (Regulus)
    • ყვითელთავა ნარჩიტა (Regulus regulus)
    • წითელთავა ნარჩიტა (Regulus ignicapillus)
    • მადეირული ნარჩიტა (Regulus madeirensis)
    • ტაივანური ნარჩიტა (Regulus goodfellowi)
    • ოქროსთავა ნარჩიტა (Regulus satrapa)
    • ლალისთავა ნარჩიტა (Regulus calendula)

ლიტერატურა

• ჟორდანია რ., ქართული საბჭოთა ენციკლოპედია, ტ. 7, თბ., 1984. — გვ. 323.