მხიარულები და უდარდელები

მხიარულები და უდარდელები — 1947 წლის სრულმეტრაჟიანი ანიმაციური ფილმი. მისი პროდიუსერია უოლტ დისნეი, ხოლო დისტრიბუტორი — RKO Radio Pictures. ფილმში შეტანილია ორი სიუჟეტი - „ბონგო“ და „მიკი და ლობიოს ღერო“. „მხიარულები და უდარდელები“ დისნეის სტუდიების რიგით მეცხრე სრულმეტრაჟიანი ანიმაციური ნამუშევარია და მეოთხე ანთოლოგიურ ფილმებში, რომლებიც სტუდიამ 1940-იანებში გამოუშვა, რათა მეორე მსოფლიო ომის დროს არსებული ხარჯები აენაზღაურებინა. ამ ანთოლოგიური ფილმების გამოშვებით, რომლებიც აგებული იყო სხვადასხვა ეპიზოდზე, დაფინანსდა „კონკიას“ და რამდენიმე შემდგომი ფილმის წარმოებაც.

„მხიარულები და უდარდელები“
რეჟისორი	ჯეკ კინი (ანიმაცია) ბილ რობერტსი (ანიმაცია) ჰემილტონ ლასკი (ანიმაცია) უილიამ მორგანი (საკონცერტო შესრულება)
პროდიუსერი	უოლტ დისნეი
ისტორია	ჰომერ ბრაიტმენი ელტონ დედინი ლენს ნოლი ტომ ორები ჰარი რივზი ტედ სირსი
მთხრობელი	დინა შორი (ბონგო) ედგარ ბერგენი (მიკი და ლობიოს ღერო)
როლებში	კლიფ ედვარდსი ედგარ ბერგენი ლუანა პატენი უოლტ დისნეი კლერენს ნეში პინტო გოლვიგი ბილი გილბერტი ანიტა გორდონი
მუსიკა	ოლივერ უოლესი პოლ სმითი ელიოტ დენიელი ჩარლზ უოლკოტი
მონტაჟი	ჯეკ ბეხომი
სტუდია	Walt Disney Productions
დისტრიბუტორი	RKO Radio Pictures
პრემიერა	27 სექტემბერი, 1947 (1947-09-27)
ხანგრძლივობა	73 წთ.
ქვეყანა	აშშ
ენა	ინგლისური, ესპანური
შემოსავალი	2.4 მილიონი აშშ დოლარი (მხოლოდ აშშ)

ფილმის პირველი მონაკვეთის, „ბონგოს“ წარმდგენია კალია ჯიმინი, ხოლო მთხრობელი — დინა შორი. ეს ეპიზოდი ეფუძნება „დათუნია ბონგოს“ (სინკლერ ლუისი) და მაყურებელს მოუთხრობს ცირკის დათვის შესახებ, რომელსაც თავისუფლება სურს. იგი საბოლოოდ, გარბის და ტყეში შეუყვარდება დათვი ლულუბელი, თუმცა აღმოჩნდება, რომ საკუთარი ერთგულება უნდა დაუმტკიცოს. მეორე ეპიზოდს, „მიკი და ლობიოს ღეროს“, წარადგენს ედგარ ბერგენი. იგი არის ზღაპრის „ჯეკი და ლობიოს ღეროს“ გადმოცემა, მიკი მაუსის, დონალდ დაკის და გუფის მონაწილეობით. სიუჟეტით მიხედვით, ეს სამი ცაში აღმოაჩენს გოლიათ უილის სასახლეს, სადაც მიაღწევენ ვეებერთელა ლობიოს ღეროს დახმარებით. იმისათვის, რომ დაიბრუნონ მშობლიური ველი, უნდა შეებრძოლონ გაუმაძღარ, მაგრამ საყვარელ გოლიათს. „მიკი და ლობიოს ღერო“ იყო უკანასკნელი შემთხვევა, როდესაც დისნეიმ თავად გაახმოვანა მიკის პერსონაჟი, ვინაიდან დაკავებული იყო სხვა პროექტებითაც. მოგვიანებით მას ჩაენაცვლა ჯიმი მაკდონალდი, რომელიც ხმოვან ეფექტებზეც მუშაობდა.

რესურსები ინტერნეტში

• ოფიციალური საიტი
• „მხიარულები და უდარდელები“ — ანიმაციური ფილმების მონაცემთა დიდ ბაზაში
• „მხიარულები და უდარდელები“ — კინოფილმების ინტერნეტ-მონაცემთა ბაზა (ინგლისური)
• „მხიარულები და უდარდელები“ — Rotten Tomatoes