მსოფლიო ჩემპიონატი სნუკერში ვეტერანთა შორის

მსოფლიო ჩემპიონატი სნუკერში ვეტერანთა შორის (ინგლ. Snooker World Professional Seniors Championship) — სნუკერის მთავარი ტურნირი ზედა ასაკობრივი კატეგორიის (40 წელზე მეტი) მოთამაშეებისთვის.

ტურნირი პირველად გაიმართა 1991 წელს სტოკ-ონ ტრენტში და მისი გამარჯვებული გახდა უელსელი კლიფ უილსონი. შემდეგ ჩემპიონატმა დიდი ხნის განმავლობაში შეწყვიტა არსებობდა და განახლდა მხოლოდ 2010 წელს. აქამდე, 2000 წელს იყო მცდელობა ვეტერანების ტურის ორგანიზებისა, რომელშიც იგეგმებოდა მსოფლიო ჩემპიონატის ჩართვაც, თუმცა არასაკმარისი ფინანსური დახმარებისა და მასმედიის მხრიდან ყურადღების ნაკლებობის გამო ეს მცდელობა წარუმატებელი გამოდგა — ჩატარდა მხოლოდ ერთი ტურნირი, World Seniors Masters. ხოლო 2004 წელს IBSF-მ ორგანიზება გაუწია საკუთარ მსოფლიო პირველობას, თუმცა იგი ცოტა სხვაგვარი ტურნირი იყო და არ შესულა მსოფლიო ჩემპიონატების ოფიციალურ სიაში.

2006 წელს ჩატარდა ერთადერთი გუნდური მსოფლიო ჩემპიონატი, აგრეთვე IBSF-ის ეგიდის ქვეშ.

განახლებული ჩემპიონატი პირველად ჩატარდა 2010 წლის მაის-ნოემბერში. ის მოიცავდა საკვალიფიკაციო (28-30 მაისი) რაუნდსა და ფინალურ, სატელევიზიო სტადიას (5-7 ნოემბერი). ტურნირის ერთ-ერთი ორგანიზატორი გახდა მსოფლიოს ექს-ჩემპიონი ჯო ჯონსონი. სულ ფინალურ სტადიაზე მაშინ ითამაშა მსოფლიოს ექვსმა ექს-ჩემპიონმა. ესენია: ჯო ჯონსონი, სტივ დეივისი, ჯონ პეროტი, კენ დოერტი, დენის ტეილორი და პიტერ ებდონი, აგრეთვე მსოფლიო ჩემპიონატის ექვსგზის ფინალისტი ჯიმი უაიტი. იგეგმებოდა აგრეთვე ალექს ჰიგინსის მონაწილეობა, თუმცა 2010 წლის 24 ივლისს იგი გარდაიცვალა. გამარჯვებული გახდა ჯიმი უაიტი. მომავალ წელს ტურნირზე უფრო მეტმა მოთამაშემ მიიღო მონაწილეობა, თუმცა თვითონ ჩემპიონატის ფორმატიც ძლიერ განსხვავდებოდა სნუკერის კლასიკური ვარიანტისგან. 2011 წლის გამარჯვებული გახდა დარენ მორგანი.

ვეტერანთა შორის მსოფლიო ჩემპიონატის გამარჯვებულები

წელი	ადგილი	გამარჯვებული	ფინალისტი	ანგარიში
1991	სტოკ-ონ-ტრენტი	კლიფ უილსონი	ედი ჩარლტონი	5:4
1992—2009 წლებში ჩემპიონატი არ ტარდებოდა
2010	ბრედფორდი	ჯიმი უაიტი	სტივ დეივისი	4:1
2011	პიტერბორო	დარენ მორგანი	სტივ დეივისი	2:1

World Seniors Masters-ის გამარჯვებულები

წელი	ადგილი	გამარჯვებული	ფინალისტი	ანგარიში
2000	ლონდონი	უილი თორნი	კლიფ თორბერნი	84-8

IBSF-ის მსოფლიო ჩემპიონატის გამარჯვებულები

წელი	ადგილი	გამარჯვებული	ფინალისტი	ანგარიში
2004	ველტჰოვენი	დინ ო'კეინი	იუჯინ ჰიუზი	5:2
2005	მანამა	დინ ო'კეინი	იუჯინ ჰიუზი	5:4
2006	ამანი	მოჰამედ იუსუფი	გლენ უილკინსონი	5:4
2007	კორატი	დარენ მორგანი	კარნჩაი ვონგიანი	5:1
2008	ველსი	დინ ო'კეინი	გიტ სეტი	5:1
2009	ჰაიდარაბადი	დარენ მორგანი	დინ ო'კეინი	6:0
2010	დამასკო	ფილიპ უილიამსი	ტაი პიჩიტი	6:4

IBSF-ის გუნდური მსოფლიო ჩემპიონატის გამარჯვებულები

წელი	ადგილი	გამარჯვებული	ფინალისტი	ანგარიში
2006	სან-ხოსე	ინგლისი	ინდოეთი 'A'	5:2

რესურსები ინტერნეტში

• World Professional Seniors Championship დაარქივებული 2012-03-13 საიტზე Wayback Machine. (ინგლისური)