საერთაშორისო ენა

ამ გვერდს არა აქვს შემოწმებული ვერსია, სავარაუდოდ მისი ხარისხი არ შეესაბამებოდა პროექტის სტანდარტებს.

საერთაშორისო ენა — ენა, რომელსაც იყენებს ხალხის მნიშვნელოვანი რაოდენობა კომუნიკაციისთვის. ამავე მნიშვნელობით გამოიყენება ასევე ტერმინი მსოფლიო მნიშვნელობის ენა. ტერმინი გულისხმობს ასევე ე. წ. ხელოვნურ ენებს, მაგალითად ესპერანტოს . XVII-XVIII საუკუნეებში იყო ხელოვნური დამწერლობის შექმნის მცდელობაც.მეორე მსოფლიო ომის შემდეგ ყველაზე გავრცელებული საერთაშორისო ენა ინგლისური გახდა.

საერთაშორისო ენათა ისტორია

ანტიკურ სამყაროში საერთაშორისო ენად ძველი ბერძნული ითვლებოდა, შემდეგ ლათინური. XVI—XVII საუკუნეებში, როგორც საერთაშორისო ენა ევროპაში გამოიყენებოდა ესპანური. XVIII საუკუნის დასაწყისში კი ფრაგნული გახდა ევროპის საერთაშორისო ენა. XIX საუკუნეში დიდი უპირატესობა მიენიჭა გერმანულს, პარალელურად კი ვითარდებოდა ინგლისური და ესპანური ენები, რადგან ინგლისსა და ეპანეთს იმ დროისთვის ბევრი კოლონია ჰქონდათ მთელ მსოფლიოში. XX საუკუნის ნახევარში ინგლისური ენა საბოლოოდ დამკვიდრდა, როგორც მსოფლიო მნიშვნელობის ენა. სოციალისტური ბლოკის ქვეყნებში უმთავრეს საერთაშორისო ენად რუსული ითვლებოდა. რუსული სოციალისტური ქვეყნების ყველა სკოლაში ისწავლებოდა.

მსოფლიო მნიშვნელობის ენები

თანამედროვე საერთაშორისო ენებია:

რანგი	ენა	მშობლიური	მეორე	საერთო რიცხვი
1	ინგლისური ენა	340 მილიონი	1 მილიარდამდე	1 340 მილიონამდე
2	ესპანური ენა	330 მილიონი	20 მილიონამდე	350 მილიონამდე
3	არაბული ენა	240 მილიონი	40 მილიონამდე	280 მილიონამდე
4	რუსული ენა	145 მილიონი	110 მილიონამდე	255 მილიონამდე
5	გერმანული ენა	120 მილიონი	80 მილიონამდე	200 მილიონამდე
6	პორტუგალიური ენა	176 მილიონი	30 მილიონამდე	206 მილიონამდე
7	ფრანგული ენა	80 მილიონი	390 მილიონამდე	470 მილიონამდე

გაეროს ოფიციალური ენები

ინგლისური, ესპანური, რუსული, არაბული, ფრანგული - გაერო–ს ოფიციალური ენებია^[1]. ამათ გარდა, გაერო–ს ოფიაციალურ ენად ჩინურიც ითვლება, მიუხედავად იმისა, რომ საერთაშორისო ენა არ არის.