მონტე-ვიზო
მონტე-ვიზო (ოქსიტ. Vísol; იტალ. Monviso) — მთა კოტის ალპებში, იტალიაში, საფრანგეთის საზღვრის სიახლოვეს. სიმაღლე 3841 მ. ცნობილია თავისი პირამიდისებური ფორმით და აგრეთვე იმითაც, რომ მონტე-ვიზო ირგვლივ მდებარე მთებთან შედარებით მდებარეობს დაახლოებით 500 მეტრით ზემოთ და შესაბამისად, რელიეფში მკვეთრად არის გამოყოფილი. ჩრდილოეთი კალთიდან სათავეს იღებენ მდინარე პოს შენაკადები. ზღვის დონიდან 2000-2400 მ სიმაღლეზე განლაგებულია ნეოლითური ჟადეიტების კარიერი. მონტე-ვიზოდან ჩრდილოეთით 8 კილომეტრში მდებარეობს მონტე-ვიზოს გვირაბი. მონტე-ვიზოზე პირველად ასვლა განხორციელდა 1861 წლის 30 აგვისტოს.
| მონტე-ვიზო | |
|---|---|
 მონტე-ვიზო | |
| კოორდინატები: 44°40′03″ ჩ. გ. 7°05′30″ ა. გ. / 44.66750° ჩ. გ. 7.09167° ა. გ. | |
| ქვეყანა |  იტალია
|
| სიმაღლე | 3841 მ |
| ქედი | კოტის ალპები |
  | |