კოტის ალპები
კოტის ალპები (ფრანგ. Alpes cottiennes; იტალ. Alpi Cozie) — დასავლეთ ალპების ნაწილი საფრანგეთსა და იტალიაში, ლარშის (სამხრეთით) და მონ-სენის (ჩრდილოეთით) უღელტეხილებს შორის. სიგრძე დაახლოებით 100 კმ, მაქსიმალური სიმაღლე 3841 მ-მდე (მონტე-ვიზო). დასავლეთით გამოეყოფა დოფინეს ალპებს. უმთავრესად აგებულია კრისტალური ფიქლებით, გნაისებით, ქვიშაქვებით. კალთები ღრმადაა დანაწევრებული მდინარეთა ხეობებით (დიურანსი, არკი). დაფარულია ფართოფოთლოვანი და წიწვოვანი ტყით.
| კოტის ალპები | |
|---|---|
 კოტის ალპები, მოჩანს მონტე-ვიზო (3841) | |
| კოორდინატები: 44°45′ ჩ. გ. 7°00′ ა. გ. / 44.750° ჩ. გ. 7.000° ა. გ. | |
| ქვეყანა |  საფრანგეთი იტალია
|
| უმაღლესი წერტილი | მონტე-ვიზო |
| სიმაღლე | 3841 მ |
| სიგრძე | 100 კმ |
  | |
2000-2200 მ სიმაღლეზე სუბალპური და ალპური მდელოებია, უფრო ზევით — მუდმივი თოვლი და პატარა მყინვარები. ჩრდილოეთით კვეთს ტურინ-გრენობლის რკინიგზა.
იხილეთ აგრეთვე
რედაქტირებარესურსები ინტერნეტში
რედაქტირება- კოტის ალპები — სტატია ენციკლოპედია ბრიტანიკიდან (ინგლისური)