მონტენეგროს დამოუკიდებლობის რეფერენდუმი (2006)

მონტენეგროს დამოუკიდებლობის რეფერენდუმი — რეფერენდუმი ჩერნოგორიის დამოუკიდებლობისა და სერბეთისა და ჩერნოგორიის შემადგენლობიდან გამოსვლის შესახებ. გაიმართა 2006 წლის 21 მაისს. არჩევნებში მონაწილეობდა ამომრჩეველთა 86,5 %. ევროპის კავშირი, გაერო, ჩინეთი და რუსეთი დადებითად მოეკიდნენ რეფერენდუმის შედეგებს. 55,5 % ხმა მისცა ქვეყნის დამოუკიდებლობას, ხოლო 44,5 % სერბეთისა და მონტენეგროს კავშირის დაშლის წინააღმდეგი იყო.

წითელი ფერით აღნიშნულია მუნიციპალიტეტები, რომლებშიც უმრავლესობამ მხარი დაუჭირა დამოუკიდებლობას, ხოლო ლურჯი ფერი აღნიშნავს ტერიტორიებს, სადაც უმრავლესობამ მხარი დაუჭირა კავშირის შენარჩუნებას.

23 მაისს რეფერენდუმის შედეგები ცნო გაეროს უშიშროების საბჭოს ხუთივე მუდმივმა წევრმა და შეთანხმდნენ, რომ დამოუკიდებლობის გამოცხადებას მოჰყვებოდა საერთაშორისო აღიარება. 31 მაისს გამოაქვეყნეს რეფერენდუმის შედეგები, რის შემდეგაც 3 ივნისს პარლამენტმა ოფიციალურად გამოაცხადა დამოუკიდებლობა.

სერბეთისა და მონტენეგროს კავშირმა შეწყვიტა არსებობა. სერბეთი გახდა ამ კავშირის სამართალმემკვიდრე.

სერბეთის პრეზიდენტმა ბორის ტადიჩმა რეფერენდუმის შედეგები გამოქვეყნებისთანავე ცნო, ხოლო პრემიერ-მინისტრმა ვოისლავ კოშტუნიცამ, რომელიც მონტენეგროს დამოუკიდებლობის მოწინააღმდეგე იყო, შედეგები ცნო კვირის ბოლოს[1].

რესურსები ინტერნეტშირედაქტირება

სქოლიორედაქტირება