მოაფერნე

მოაფერნე — კოლხეთის მმართველი ძვ. წ. II-I საუკუნეების მიჯნაზე. ქვეყნის მმართველად დანიშნა პონტოს მეფე მითრიდატე VI ევპატორმა. როგორც ირკვევა იგი დევნილ მითრიდატესთან ერთად იმყოფებოდა ჯერ კოლხეთში, დიოსკურიაში და შემდეგ თან გაყვა მას ბოსფორის სამეფოში. მას შემდეგ კოლხეთის მმართველად მითრიდატემ დატოვა ოლთაკე.

მოიხსენიებს სტრაბონი:

„

...მეფე-მემკვიდრეები ფლობდნენ ქვეყანას დაყოფილს „სკეპტუხიებად“, მაგრამ მათი კეთილდღეობა მცირე იყო. როდესაც მითრიდატე ევპატორის ხელისუფლება მნიშვნელოვნად გაძლიერდა, ქვეყანა დაექვემდებარა მის ბატონობას. მეფე მუდმივად გზავნიდა ვინმეს „მეგობრებიდან“, „მოადგილის“ ან „გამგებლის“ ხარისხით. ამ მმართველთა რიცხვში იყო მოაფერნე – დედაჩემის ბიძა, მამის მხრიდან. ამ ქვეყნიდან მეფე ღებულობდა ყველაზე მეტად დახმარებას თავისი ფლოტის აღსაჭურვად. მითრიდატეს ძლიერების დაცემის შემდეგ მთელი მისი სახელმწიფო დაიშალა და დანაწილდა მრავალ მმართველთა შორის. ბოლოს კოლხეთს დაეუფლა პოლემონი, მაგრამ ამ უკანასკნელის სიკვდილის შემდეგ მართავდა მისი მეუღლე პითოდორიდა, რომელიც იყო კოლხების, ტრაპეზუნტისა და ფარნაკიის დედოფალი.

“

ლიტერატურა

• საქართველოს ისტორიის საკითხები, ტ. 1, თბ., 1970 წელი;

• ქართული საბჭოთა ენციკლოპედია, ტ. 7, თბ., 1984. — გვ. 53.

რესურსები ინტერნეტში

• გრანი ქავთარია, მოაფერნე სტრაბონის „გეოგრაფიაში“. სტრაბონი და კოლხეთის ისტორიის ფრაგმენტები: კოლხეთის გამგებელი მოაფერნე.