მიუსერა
მიუსერა (აფხ. Мысра) — დაბა საქართველოში, აფხაზეთის ავტონომიური რესპუბლიკის გუდაუთის მუნიციპალიტეტში. დაბა მდებარეობს ბიჭვინთიდან სამხრეთით 8 კმ-ში, შავი ზღვის სანაპიროზე, ბიჭვინთა-მიუსერის სახელმწიფო ნაკრძალის ტერიტორიაზე.
| დაბა | |
|---|---|
|
მიუსერა Мысра | |
| ქვეყანა |
 საქართველო |
| ავტონომიური რესპუბლიკა | აფხაზეთის ავტონომიური რესპუბლიკა |
| მუნიციპალიტეტი | გუდაუთა |
| კოორდინატები | 43°09′10″ ჩ. გ. 40°27′35″ ა. გ. / 43.15278° ჩ. გ. 40.45972° ა. გ. |
| ამჟამინდელი სტატუსი | 1990 |
| ოფიციალური ენა | ქართული, აფხაზური |
| მოსახლეობა | 50 (2011) |
| სასაათო სარტყელი | UTC+3 |
| სატელეფონო კოდი | +995 444[1] |
| საფოსტო ინდექსი | 6900[2] |
.svg)   | |
2008 წლის 23 ოქტომბრის ოკუპირებული ტერიტორიების შესახებ საქართველოს კანონის საფუძველზე, ტერიტორია ოკუპირებულია რუსეთის ფედერაციის სამხედრო აგრესიის შედეგად და დადგენილია ამ ტერიტორიების განსაკუთრებული სამართლებრივი რეჟიმი.
ისტორია
რედაქტირება1921–1949 წლებში „მისრას“ სახელწოდებით შედიოდა გუდაუთის რაიონის მგუძირხვის თემში.[3] აფხაზეთის ასსრ უმაღლესი საბჭოს პრეზიდიუმის 1987 წლის 20 ნოემბრის ბრძანებულებით (დამტკიცდა საქართველოს სსრ უმაღლესი საბჭოს პრეზიდიუმის 30 დეკემბრის ბრძანებულებით), გუდაუთის რაიონის სოფელ მუგუძირხვიდან გამოიყო მიუსერა და ის გარდაქმნა დაბად, ასევე შეიქმნა მიუსერის სადაბო საბჭო.[4]
ეტიმოლოგია
რედაქტირებასახელწოდება ქართულია, სვანურად „თოვლიანს“ (სვან. მუსერ, მუს – თოვლი, -ერ – წარმომავლობა-ვითარების აღმნიშვნელი სუფიქსი) ნიშნავს. მიუსერა გორაკზე მდებარეობს, სადაც დაბლობზე უფრო ხანგრძლივად იდო თოვლი. აქედან მომდინარეობს სახელწოდებაც.[3]
სქოლიო
რედაქტირება- ↑ საქართველოს სატელეფონო კოდები — „სილქნეტი“
- ↑ საქართველოს საფოსტო ინდექსები — „საქართველოს ფოსტა“
- ↑ 3.0 3.1 ბ. ხორავა, ნ. ჭანტურია, აფხაზეთის ადმინისტრაციულ-ტერიტორიული დაყოფა 1921-1991 წლებში, თბილისი: უნივერსალი, 2019. — გვ. 73, ISBN 978-9941-26-675-1.
- ↑ საქართველოს სსრ უმაღლესი საბჭოს უწყებები, N12 (508), გვ. 32, თბ., 1987 წ. ISSN 0203-2023