მირჩილი

მირჩილი — მთა საქართველოში, შიდა ქართლის მხარეში, ჯავის მუნიციპალიტეტში. მდებარეობს გერმუხის ქედზე, მდინარეების დიდი ლიახვისა და მისი მარცხენა შენაკადის გუდისისწყლის წყალგამყოფზე. სიმაღლე ზღვის დონიდან 2430 მ. აგებულია ქვედაცარცული ქვიშაქვებით, თიხაფიქლებითა და მერგელებით. კონუსისებრი ფორმისაა. მცირე ნაკადებით რადიალურადაა დანაწევრებული. შემოსილია სუბალპური მდელოებით.

მირჩილი
კოორდინატები: 42°24′11″ ჩ. გ. 44°03′17″ ა. გ.
ქვეყანა	საქართველო
ტერიტორიული ერთეული	ჯავის მუნიციპალიტეტი
სიმაღლე	2430 მ
ქედი	გერმუხის ქედი
ამგებელი ქანები	ქვიშაქვა, თიხაფიქალი და მერგელი

ლიტერატურა

• ნემანიშვილი ს., ქართული საბჭოთა ენციკლოპედია, ტ. 7, თბ., 1984. — გვ. 14.