მირზა ალი აბასოვი

მირზა ალი აბასოვი (დ. 1874, ტიფლისი — გ. 3 ნოემბერი, 1943, თბილისი) — საბჭოთა, აზერბაიჯანელი მსახიობი, რეჟისორი, დრამატურგი. საქართველოს დამსახურებული არტისტი (1924).

მირზა ალი აბასოვი
დაბადების თარიღი	1874
გარდაცვალების თარიღი	3 ნოემბერი, 1943 თბილისი
საქმიანობა	მსახიობი

ბიოგრაფია

მირზა ალი აბასოვი დაიბადა 1874 წელს ტიფლისში, აზერბაიჯანულ ოჯახში. სასცენო კარიერა 1898 წელს დაიწყო. ფარაშის როლი ითამაშა მირზა ფათალი ახუნდოვის „ლანკარანის სახანოს ვეზირის თავგადასავალში“. თბილისის აზერბაიჯანული თეატრის დასში 1916 წლიდან იყო წამყვანი მსახიობი და რეჟისორი. უმეტესად თამაშობდა ტრაგიკულ როლებს: ოტელო (შექსპირის „ოტელო“), ფრანცი (შილერის „ყაჩაღები“ და სხვა). თავადაც იყო რამდენიმე პიესის ავტორი.

გარდაიცვალა თბილისში 1943 წელს. დაკრძალულია თბილისში, მუსულმანურ სასაფლაოზე.

ჯილდოები და აღიარება

• 1924 — საქართველოს დამსახურებული არტისტი

რესურსები ინტერნეტში

• Мирза Али Аббасов