მინდვრის კესანე

მინდვრის კესანე (ლათ. Myosotis arvensis) — ერთ- ან მრავალწლოვანი ბალახოვანი მცენარე ლაშქარასებრთა ოჯახისა. აქვს 20–50 სმ სიმაღლის, მარტივი ან ძირიდანვე დატოტვილი ღერო, რომელიც ქვედა ნაწილში რბილი, გაფარჩხული ბეწვითაა შებუსული. ფოთლები 2–5 სმ სიგრძისა და 0,5 სმ სიგანისაა, ფესვთანური მოგრძო-ნიჩბისებურია, ღეროსეული — მოგრძოლანცეტა. ყვავილედი მრავალყვავილიანია, ცალმხრივი, ფარჩხატი, აღმართული. გვირგვინი თავდაპირველად ვარდისფერია, შემდეგში — ცისფერი, იშვიათად — თეთრი. ყვავის და ნაყოფმსხმოიარობს მაის-ივლისში.

მინდვრის კესანე
მეცნიერული კლასიფიკაცია
სამეფო:  მცენარეები განყოფილება:  ყვავილოვანი მცენარეები კლასი:  ორლებნიანნი რიგი:  ლაშქარასნაირნი ოჯახი:  ლაშქარასებრნი გვარი:  კესანე სახეობა:  მინდვრის კესანე
ლათინური სახელი
Myosotis arvensis (L.) Hill, 1764
სინონიმები
სია Echioides annua Moench Myosotis amosii Sennen Myosotis annua Moench Myosotis arvensis f. albiflorum F.G.Bernard Myosotis arvensis f. daghestanica Magal. Myosotis aspera Schur Myosotis caballeroi Sennen Myosotis dumetorum Rouy Myosotis hamosa Stokes Myosotis media E.H.L.Krause Myosotis monticola Wender. Myosotis pentheri Gand. Myosotis pseudosylvatica Schur Myosotis scorpioides var. arvensis L. Myosotis segetalis Rouy Scorpioides hirsutus Gilib.
სისტემატიკა ვიკისახეობებში სურათები ვიკისაწყობში ITIS   31692 NCBI   192338 EOL   580083 IPNI   118914-1 TPL   kew-2357149

გავრცელებულია კავკასიაში, მთელ ევროპაში, მცირე და აღმოსავლეთ აზიაში, სამხრეთ აფრიკაში, ჩრდილოეთ ამერიკაში. გვხვდება თითქმის მთელ საქართველოში. იზრდება მთის შუა სარტყლამდე — მდელოებზე, მეჩხერ ტყეებში, ბუჩქნარებში.

გალერეა

• 
  ყვავილედი
• 
  საერთო ხედი
• 
  საერთო ხედი
• 
  ბოტანიკური ილუსტრაცია