მთის ბელევალია
მთის ბელევალია (ლათ. Bellevalia montana) — მრავალწლოვანი ბალახოვანი მცენარე სატაცურისებრთა ოჯახისა. ყვავილსაფარი მურა ლურჯია, ცისფერი ნაკვთებით. ყვავილსაფრის მილი ღია მურაა ან მწვანე ზოლებით. ნაკვთები მილზე სამჯერ მოკლეა. ყვავილის ყუნწები ყვავილობისას და მის შემდეგ პერიოდში რკალურად არის დახრილი. აქვს ლურჯი სამტვერეები და მრავალყვავილიანი ყვავილედი. ყვავის და ნაყოფმსხმოიარობს აპრილ-ივნისში. გავრცელებულია კავკასიის ეკორეგიონში (ენდემურია). გვხვდება აღმოსავლეთ საქართველოში. იზრდება დაბლობიდან სუბალპურ სარტყლამდე — სტეპებში, ტყისპირებში, ბუჩქნარებში, კლდეებზე.[1]
| მთის ბელევალია | |||||||||||||||
|---|---|---|---|---|---|---|---|---|---|---|---|---|---|---|---|
| მეცნიერული კლასიფიკაცია | |||||||||||||||
| |||||||||||||||
| ლათინური სახელი | |||||||||||||||
| Bellevalia montana (K.Koch) Boiss., 1882 | |||||||||||||||
| |||||||||||||||
სქოლიო
რედაქტირება- ↑ სუხიტაშვილი კახაბერ, საქართველოს ყვავილოვანი მცენარეები, თბ.: კავკასიის გარემოსდაცვითი არასამთავრობო ორგანიზაციების ქსელი, 2018. — გვ. 60.