მეცნიერებათა აკადემიის ქედი
მეცნიერებათა აკადემიის ქედი (ტაჯ. Қаторкуҳи Академияи Фанҳо) — ქედი ტაჯიკეთში, დასავლეთ პამირში. გადაჭიმულია მერიდიანული მიმართულებით თითქმის 110 კმ-ზე; ჩრდილოეთ ნაწილს ეწოდება ალთინმაზარის მთები. უმაღლესი მწვერვალის სიმაღლეა 7495 მ (ისმაილ სამანის პიკი). მაღალია აგრეთვე კორჟენევსკაიას პიკი (7105 მ). 20-ზე მეტი მწვერვალის სიმაღლე 6000 მ-ს აღემატება.[1] აღსანიშნავია მწვერვალები: ღარმოს პიკი (6595 მ), როსია (6875 მ), სენტ-ეგზიუპერის პიკი (6026 მ) და სხვა. ჭარბობს ალპური ფორმის მაღალმთიანი რელიეფი, გვხვდება თანამედროვე დიდი მყინვარები, მათ შორის: ფედჩენკოს მყინვარი, ღარმოს მყინვარი, გეოგრაფიული საზოგადოების მყინვარი და სხვა.[2] გამყინვარების საერთო ფართობია 650 კმ². დამახასიათებელია მაღალმთიანი გლაციალურ-ნივალური ლანდშაფტები. აღმოაჩინა გეოგრაფმა ნიკოლაი კორჟენევსკიმ 1927 წელს და ეწოდა სსრკ მეცნიერებათა აკადემიის პატივსაცემად.[3]
| მეცნიერებათა აკადემიის ქედი | |
|---|---|
 ისმაილ სამანის პიკი | |
| კოორდინატები: 38°55′ ჩ. გ. 72°01′ ა. გ. / 38.917° ჩ. გ. 72.017° ა. გ. | |
| ქვეყანა |  ტაჯიკეთი
|
| უმაღლესი წერტილი | ისმაილ სამანის პიკი |
| სიმაღლე | 7495 მ |
| სიგრძე | 110 კმ |
  | |
სქოლიო
რედაქტირება- ↑ Хребет Академии Наук | Большая российская энциклопедия. დაარქივებულია ორიგინალიდან — 2020-06-16. ციტირების თარიღი: 2020-06-16.
- ↑ Хребет Академии Наук
- ↑ Академии Наук хребет | Географическая энциклопедия