მარია ტერეზა ესპანელი (1882-1912)

მარია ტერეზა ესპანელი (ესპ. María Teresa de España; დ. 12 ნოემბერი, 1882 — გ. 23 სექტემბერი, 1912) — ბურბონთა დინასტიის წარმომადგენელი. ესპანეთის მეფე ალფონსო XII-ისა და დედოფალ მარია კრისტინა ავსტრიელის შუათანა ასული. ბავარიის პრინცესა 1906-12 წლებში როგორც ფერდინანდ ბავარიელის მეუღლე.

მარია ტერეზა ესპანელი
დაბადების თარიღი 12 ნოემბერი, 1882
მადრიდი, ესპანეთი
გარდაცვალების თარიღი 23 სექტემბერი, 1912, (29 წლის)
მადრიდი, ესპანეთი
ეროვნება ესპანელები
წოდება ბავარიის პრინცესა
რელიგია კათოლიციზმი
მეუღლე(ები) ფერდინანდ ბავარიელი
შვილ(ებ)ი ლუის ალფონსო
ხოსე ევგენი
მარია დე ლას მერსედესი
მარია დელ პილარი
მშობლები მამა: ალფონსო XII, ესპანეთის მეფე
დედა: მარია კრისტინა ავსტრიელი

ბიოგრაფია რედაქტირება

 
მარია ტერეზა და მისი ქმარი, ფერდინანდ ბავარიელი 1910 წელს თავიანთ ვაჟ ლუის ალფონსოსთან ერთად

მარია ტერეზა დაიბადა 1882 წლის 12 ნოემბერს მადრიდის სამეფო სასახლეში. იგი იყო ესპანეთის მეფე ალფონსო XII-ისა და მისი მეორე ცოლის, დედოფალ მარია კრისტინა ავსტრიელის მეორე ქალიშვილი.

1906 წლის 12 იანვარს მადრიდის სამეფო სასახლეში მარია ტერეზა დაქორწინდა გერმანელ პრინც ფერდინანდ ბავარიელზე, რომელიც მარია ტერეზას მამიდაშვილი და ასევე ესპანეთის დედოფალ ისაბელ II-ის შვილიშვილი იყო. ამ ქორწინების შემდეგ ფერდინანდს ესპანეთის ინფანტის წოდება მიენიჭა და მარია ტერეზასთან ერთად ესპანეთის სამეფო კარზე დასახლდა, რის გამოც 1914 წელს მას ბავარიის სამეფო ტახტის მემკვიდრეობის უფლება ჩამოერთვა.

დონა მარია ტერეზა ესპანელი გარდაიცვალა 1912 წლის 23 სექტემბერს, 29 წლის ასაკში, მადრიდში. მას თავისი მეოთხე მშობიარობის შემდეგ ებოლია შეეყარა და მანვე შეიწირა. მისმა ძმამ, მეფე ალფონსო XIII-მ იგი ესკორიალის სამეფო აკლდამაში დაკრძალა. მისი გარდაცვალებიდან რამდენიმე წელიწადში მისი ქმარი ფერდინანდი მეორედ დაქორწინდა ესპანელ დიდგვაროვან ქალზე, მარია ლუისა დე სილვა ი ფერნანდესზე, თუმცა მასთან შვილები არ ჰყოლია.

შვილები რედაქტირება

  1. ლუის ალფონსო (1906-1983), ესპანეთის ინფანტი, გარდაიცვალა დაუქორწინებელი;
  2. ხოსე ევგენი (1909-1966), ესპანეთის ინფანტი, ცოლად შეირთო მარია დე ლა ასუნსიონ სოლანხე, რომელთანაც შეეძინა ოთხი შვილი;
  3. მარია დე ლას მერსედესი (1911-1953), ცოლად გაჰყვა საქართველოს ტახტის ლეგიტიმურ მემკვიდრე ირაკლი ბაგრატიონ-მუხრანელს, რომელთანაც შეეძინა მარიამ და ბაგრატ ბაგრატიონ-მუხრანელები;
  4. მარია დელ პილარი (1912-1918), გარდაიცვალა მცირეწლოვანი.

ლიტერატურა რედაქტირება

  • Hof- und Staats-Handbuch der Österreichisch-Ungarischen Monarchie - 1912. Consultado el 6 de marzo de 2017.