მამია დუდუჩავა
მამია დუდუჩავა (დ. 14 აგვისტო, 1911, ქვემო ხეთი, ჩოხატაურის მუნიციპალიტეტი— გ. 8 მაისი, 1980)— ქართველი ლიტერატურათმცოდნე და ხელოვნებათმცოდნე, ფილოლოგიის მეცნიერებათა დოქტორი.
| მამია დუდუჩავა | |
|---|---|
| დაბ. თარიღი | 1 (14) აგვისტო, 1910 |
| დაბ. ადგილი | ქვემო ხეთი |
| გარდ. თარიღი | 8 მაისი, 1980 (69 წლის) |
| გარდ. ადგილი | თბილისი |
| საქმიანობა | ლიტერატურათმცოდნე და ხელოვნებათმცოდნე |
| ალმა-მატერი | ქუთაისის სახელმწიფო უნივერსიტეტი |
| ჯილდოები | საპატიო ნიშნის ორდენი და შრომის წითელი დროშის ორდენი |
ბიოგრაფია
რედაქტირებადაიბადა 1911 წლის 14 აგვისტოს ჩოხატაურის რაიონში, სოფელ ქვემო ხეთში. 1931 წელს დაამთავრა თბილისის ალექსანდრე პუშკინის სახელობის პედაგოგიური ინსტიტუტის ქართული ენისა და ლიტერატურის ფაკულტეტი.
1944-1947 წლებში იყო თბილისის ზ. ფალიაშვილის სახელობის ოპერისა და ბალეტის სახელმწიფო თეატრის დირექტორი; 1948-1952წწ. თბილისის სამხატვრო აკადემიის რექტორი; 1952 წლიდან შოთა რუსთაველის სახელობის ქართული ლიტერატურის ინსტიტუტის უფროსი მეცნიერ თანამშრომელი; 1954 წლიდან ლიტერატურის თეორიის განყოფილების ხელმძღვანელი; წერდა კრიტიკულ წერილებს, მონოგრაფიებსა და ნარკვევებს ახალი ქართული ლიტერატურისა და ხელოვნების ისტორიის საკითხებზე.
სამეცნიერო ნაშრომები
რედაქტირება- ქართული საბჭოთა ფერწერა (1939)
- გიგო გაბაშვილი (1946)
- ახალი ქართული ხელოვნება (1950)
- ხელოვნების პრობლემები (1959)
- შოთა რუსთაველის ესთეტიკური ნააზრევი (1966)
ჯილდოები, პრემიები
რედაქტირება- 1969 — საქართველოს მეცნიერებათა დამსახურებული მოღვაწე
- 1965 — საქართველოს ხელოვნების დამსახურებული მოღვაწე
ლიტერატურა
რედაქტირება- ენციკლოპედია „საქართველო“, ტ. 2, თბ., 2012. — გვ. 504.