მაგალი თოდუა (დ. 19 იანვარი, 1927-მარტვილის რაიონი, სოფ. სალხინო-გ. 3.მაისი, 2016წ-თბილისი)- ქართველი მეცნიერი, მთარგმნელი, აღმოსავლეთმცოდნე (ირანისტი), ფილოლოგიის მეცნიერებათა დოქტორი, აკადემიკოსი, გელათის აკადემიის პირველი პრეზიდენტი.

საშუალო სკოლა დაამთავრა სოფელ სალხინოში, 1943 წელს. 1949 წელს  დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი. თარგმანების პირველი წიგნი „ტაჯიკური პოეზია“ გამოსცა 1952 წელს. 1950-1961წწ. იყო თბილისის სახელმწიფო უნივერსიტეტის უფროსი ლაბორანტი და უფროსი მასწავლებელი; 1961-1966წწ. აღმოსავლეთმცოდნეობის ინსტიტუტის უფროსი მეცნიერ-თანამშრომელი; 1991-1995წწ. ქუთაისის აკ. წერეთლის სახელობის სახელმწიფო უნივერსიტეტის რექტორი; 2002-2008წწ. იყო "გელათის მეცნიერებათა აკადემიის ჟურნალის" დამფუძნებელი და მთავარი რედაქტორი.  2008 წლიდან ჟურნალ "ქართველოლოგიის" დამფუძნებელი და მთავარი რედაქტორი.

საკანდიდატო დისერტაციი თემა - "გოლესთანის მიბაძვანი სპარსულ ლიტერატურაში" , დაიცვა 1954 წელს.  სადოქტორო დისერტაციის თემა - "ქილილა და დამანას" საბასეული ვერსია" - 1967 წელს.თარგი:მაგალი თოდუა

1965-1988 წლებში ოთხ ტომად გამოსცა აღმოსავლური მწერლობის კრებული „არმაღანი“, რომელიც 2016 წელს გადააკეთა ჟურნალად და დღემდე გამოიცემა. (რედაქტორი მზია ბურჯანაძე).


მაგალი თოდუას კალამს ეკუთვნის ირანელ კლასიკოსთა შემოქმედების მაღალმხატვრული თარგმანები. ქართულად თარგმნილი და გამოცემული აქვს რუდაქის, დაყიყის, ომარ ხაიამის,ფირდოუსის, ნიზამი განჯელის, საადის, ჯალალ ედ-დინ რუმის, ხაყანის, ათარის, ნასერ ხოსროვის და სხვა არაერთი პოეტის შემოქმედება.

ქართული ლიტერატურის განვითარებაში შეტანილი განსაკუთრებული წვლილისათვის მიენიჭა რუსთაველის პრემია.  2008 წელს კი ირანის ისლამური რესპუბლიკის პრეზიდენტის მიერ დაწესებული პრემია, „მსოფლიოში საუკეთესო ირანისტი“.