ლიზა ბათიაშვილი
ლიზა ბათიაშვილი, ან ელისაბედ ბათიაშვილი[1] — ქართველი მევიოლინე. იგი დაიბადა 1979 წელს თბილისში, მუსიკოსების, მევიოლინე მამის და პიანისტი დედის ოჯახში. ლიზას მამა, ასევე ცნობილი მევიოლინე თამაზ ბათიაშვილი იყო მისი პირველი მასწავლებელი ჯერ კიდევ 4 წლის ასაკიდან. მისი ოჯახი 1991 წელს გერმანიში გადასახლდა.[2] მოგვიანებით იგი სწავლობდა ჰამბურგის მუსიკალურ სკოლაში.[3] 1995 წელს ლიზა ბათიაშვილმა იან სიბელიუსის სახელობის მევიოლინეთა საერთაშორისო კონკურსზე მეორე პრემია მოიპოვა.
| ლიზა ბათიაშვილი | |
|---|---|
 | |
| ბიოგრაფია | |
| დაბ. თარიღი | 7 მარტი, 1979 (45 წლის) |
| დაბ. ადგილი | თბილისი, საქართველო |
| ჟანრ(ებ)ი | კამერული მუსიკა, კლასიკური მუსიკა |
| საქმიანობა | მუსიკოსი, კომპოზიტორი |
| ინსტრუმენტ(ებ)ი | ვიოლინო |
| ლეიბლ(ებ)ი | Sony Classical Records, Deutsche Grammophon |
| საიტი | lisabatiashvili.com |
| ლიზა ბათიაშვილი ვიკისაწყობში | |
ლიზა ბათიაშვილი არის ბეთჰოვენის ფესტივალის ლაურეატი — ბეთჰოვენის ბეჭდის მფლობელი, BBC-ის პროგრამა „New Generation Artists“-ის გამარჯვებული, შესრულებული აქვს კონცერტები „Berliner Philharmoniker“-თან, ევროპის კამერულ ორკესტრთან (დირიჟორი იანიკ ნეზე სეგენი), გუსტავ მალერის ახალგაზრდულ ორკესტრთან (დირიჟორი ფრანც ველზერ მიოსტი), ნიუ-იორკის ფილარმონიულ (დირიჟორი ალან გილბერტი) და ისრაელის ფილარმონიულ ორკესტრებთან (დირიჟორი ზუბინ მეჰტა), უკრავს კელნის, ლოს-ანჯელესის, ბოსტონის, სანქტ-პეტერბურგის, პარიზის, ლონდონის, ბოსტონის, ფილადელფიისა და ჩიკაგოს სიმფონიურ ორკესტრებთან.[4]
BBC-ს მუსიკალურმა ჟურნალმა ლიზას გამოსვლა შოტლანდიის სიმფონიურ ორკესტრთან ერთად წლის საუკეთესო დებიუტად დაასახელა, უფრო მეტიც „Sony Classical“-ის გამოცემული ალბომი „Beethoven Violin Concerto & Tsintsadze 6 Miniatures“ 2008 წელს ოქტომბრის თვის ფავორიტად იქცა. „ბათიაშვილის ბეთჰოვენი უდავოდ შეიძლება შეფასდეს, როგორც საუკეთესო ოდესმე შესრულებულთა შორის“ — წერს 2008 წლის „BBC Music Magazine“. 2011 წელს „ECHO Klassik“-გან მან მიიღო თავისი ალბომისათვის Echoes of Time პრიზი, რომელშიც შედის შოსტაკოვიჩის N1 სავიოლიონო კონცერტის ჩანაწერი ბავარიის სიმფონიური ოსკესტრის თანხლებით და ცნობილი ფინელი კომპოზიტორისა და დირიჟორის „Esa-Pekka Salonen“-ს ხელმძღვანელობით.[4]
დირიჟორი დანიელ ბერენბაუმი ამბობს:
|
„ქართველებმა უნდა იამაყოთ, ვინაიდან დღესდღეობით მსოფლიოს პირველი მევიოლინე ლიზა ბათიაშვილია.“
|
2013 წლის ამერიკულ ტურნეზე, როდესაც ლიზამ ბრამსის სავიოლინო კონცერტი დაუკრა, ამ კონცერტ-შოუზე Chicago SunTimes-ში დაიწერა:
|
|
„ეს იყო ბრამსის სავიოლინო კონცერტის საუკეთესო ცოცხალი შესრულება, რომელიც ოდესმე მომისმენია.“
|
The Classical Review-ში კი:
|
|
„ბათიაშვილმა ხმაურიანი ოვაციები დაიმსახურა, ყველაზე გრძელი და ენთუზიაზმით სავსე, რაც კი ბოლო წლებში მაყურებელს სოლისტის მიმართ გამოუხატავს.“
|
სქოლიო
რედაქტირება- ↑ მარიამ ჭიაურელი (2003-08-20). „ელისაბედ ბათიაშვილს ლეონარდ ბერნსტაინის სახელობის პრემია მიენიჭა“. რადიო თავისუფლება. ციტირების თარიღი: 2015-03-22.
- ↑ Peter Culshaw (2007-07-21). „Lisa Batiashvili went from Tbilisi to the top“. Telegraph. ციტირების თარიღი: 2015-03-28.
- ↑ Michael Church (2005-12-05). „Preview: Lisa Batiashvili, Wigmore Hall, London“. The Independent. ციტირების თარიღი: 2007-03-21.
- ↑ 4.0 4.1 სცენის იმპერატრიცა — ლიზა ბათიაშვილი. დაარქივებულია ორიგინალიდან — 2015-04-01. ციტირების თარიღი: 2015-04-10.