ლია სტურუა
ლია სტურუა (დ. 15 მაისი, 1939) — ქართველი პოეტი. გალაკტიონ ტაბიძისა და საქართველოს სახელმწიფო პრემიების ლაურეატი.
| ლია სტურუა | |
|---|---|
| დაბადების თარიღი | 15 მაისი, 1939 (84 წლის) |
| დაბადების ადგილი | თბილისი, საქართველოს სსრ, სსრკ |
| საქმიანობა | პოეტი და მწერალი |
| მოქალაქეობა |
 სსრკ საქართველო |
| ალმა-მატერი | თბილისის სახელმწიფო უნივერსიტეტი |
| ჯილდოები | საქართველოს სახელმწიფო პრემია, გალაკტიონ ტაბიძის სახელობის პრემია, რუსთაველის პრემია, ღირსების ორდენი, პრემია „საბა“ და თბილისის საპატიო მოქალაქე |
ბიოგრაფია რედაქტირება
ლია დაიბადა 1939 წლის 15 მაისს, თბილისში. 1957 წელს დაამთავრა თბილისის 24-ე საშუალო სკოლა. იმავე წელს შევიდა თბილისის სახელმწიფო უნივერსიტეტის ქართული ფილოლოგიის ფაკულტეტზე, შემდეგ - ასპირანტურაში. 1974 წელს დაიცვა დისერტაცია თემაზე - „ფერის მხატვრული ფუნქცია გ. ტაბიძის პოეზიაში“.
მუშაობდა უნივერსიტეტში — კითხულობდა ლექციებს, იმავდროულად, შოთა რუსთაველის სახელობის ლიტერატურის ინსტიტუტში — უფროს მეცნიერ-თანამშრომლად.
1999 წლიდან მუშაობს გ. ტაბიძის მუზეუმში ლიტერატურულ კონსულტანტად.
პირველი წიგნი, ლექსების კრებული „ხეები ქალაქში“, გამოსცა 1962 წელს. გამოცემული აქვს 12-ზე მეტი ლექსების წიგნი, პროზაული — „ბედნიერი სიჩუმე“, „რძეში ჩავარდნილი ქვა“ (შეგრძნებების რომანი). წერს ესეებს, წერილებს. მისი ლექსები თარგმნილია გერმანულ, ფრანგულ, ინგლისურ და ფინურ ენებზე.
1997 წელს ნორვეგიის ტელევიზიამ გადაიღო ფილმი ლია სტურუასა და იუნა მორიცზე.[1]
ჯილდოები რედაქტირება
- შოთა რუსთაველის სახელობის პრემია
- 1988 — გალაკტიონ ტაბიძის სახელობის პრემია[2]
- 1995 — საქართველოს სახელმწიფო პრემია[2]
- 2000 — ღირსების ორდენი
- 2009 — ილიას მედალი „მარად და ყველგან, საქართველოვ, მე ვარ შენთანა“
- 2013 — პრემია „საბა“, საუკეთესო პოეტური კრებულისთვის „დავიწყების დღე“[2]
- 2017 — პრემია „საბა“ ქართული ლიტერატურის განვითარებაში შეტანილი წვლილისთვის[3]
- 2023 — თბილისის საპატიო მოქალაქე[4]
რესურსები ინტერნეტში რედაქტირება
სქოლიო რედაქტირება
- ↑ ბიოგრაფიული ცნობები[მკვდარი ბმული]
- ↑ 2.0 2.1 2.2 ლია სტურუა. თბილისის სახელმწიფო უნივერსიტეტი. ციტირების თარიღი: 24 დეკემბერი, 2023
- ↑ ლია სტურუა. 1tv.ge. ციტირების თარიღი: 24 დეკემბერი, 2023
- ↑ „თბილისის საპატიო მოქალაქის წოდება წელს 26-მა მოქალაქემ მიიღო“. interpressnews.ge. 30 სექტემბერი, 2023. ციტირების თარიღი: 24 დეკემბერი, 2023. შეამოწმეთ თარიღის პარამეტრი
|access-date=და|date=-ში (დახმარება)