ლიანა ელიავა
ლიანა ელიავა (დ. 31 აგვისტო, 1939, ხობი – გ. 9 ოქტომბერი, 2023, ჰელსინკი[1]) — ქართველი კინორეჟისორი. იყო საქართველოს კინემატოგრაფისტთა შემოქმედებითი კავშირის წევრი.
| ლიანა ელიავა | |
|---|---|
 | |
| დაბადების თარიღი |
31 აგვისტო, 1939 ხობი |
| გარდაცვალების თარიღი |
9 ოქტომბერი, 2023 (84 წლის) ჰელსინკი |
| მოქალაქეობა |
 საქართველო, სსრკ |
| საქმიანობა | კინორეჟისორი |
ბიოგრაფია
რედაქტირებადაიბადა 1939 წლის 31 აგვისტოს ხობში. ჯერ პატარა იყო, როცა მისი ოჯახი თბილისში გადავიდა. სწავლობდა თბილისის №29-ე საშუალო სკოლაში. ლექსებს წერდა და პიონერთა სასახლეში შემოქმედებით წრეზე დადიოდა. 1962 წელს დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ფილოლოგიის ფაკულტეტი, 1970 წელს — მოსკოვის საკავშირო სახელმწიფო კინემატოგრაფიის ინსტიტუტის სარეჟისორო ფაკულტეტი (მიხეილ რომის სახელოსნო). 1970 წლიდან კინოსტუდია „ქართული ფილმში“ დაიწყო მუშაობა დამდგმელ რეჟისორად. გადაღებული აქვს მხატვრული და დოკუმენტური ფილმები: „ბზიანეთი“, „ეპისკოპოსი ნადირობაზე“, „მშვენიერი კოსტიუმი“, „სინემა“ და სხვა. ავტორია წიგნებისა: „სიზმრად ნანახი ფილმები“ (თბილისი, 2004), „კინო უეკრანოდ“ (თბილისი, 2011), „ჩემი სკანდინავია“ და სხვა.
1999 წლიდან ცხოვრობდა ფინეთის დედაქალაქ ჰელსინკში. გარდაიცვალა 2023 წლის 9 ოქტომბერს ფინეთში. დაკრძალულია თბილისში.
ფილმოგრაფია
რედაქტირებადამდგმელი რეჟისორი
რედაქტირება- 1968 — „ბზიანეთი“
- 1971 — „ეპისკოპოსი ნადირობაზე“
- 1973 — „მშვენიერი კოსტიუმი“
- 1974 — „ფერმა მთაში“
- 1977 — „სინემა“
- 1982 — „გზის დასაწყისი“
სცენარის ავტორი
რედაქტირება- 1968 — „ბზიანეთი“
- 1971 — „ეპისკოპოსი ნადირობაზე“
- 1973 — „მშვენიერი კოსტიუმი“
- 1977 — „სინემა“
- 1982 — „გზის დასაწყისი“