ლაგანი (ქალაქი)
ლაგანი (რუს. და ყალმ. Лагань) — ქალაქი რუსეთში, ყალმუხეთის სამხრეთ-აღმოსავლეთ ნაწილში, ლაგანის რაიონის ადმინისტრაციული ცენტრი. 13 137 მცხოვრები (2017).[1] განლაგებულია კასპიისპირა დაბლობზე, კასპიის ზღვიდან 9 კმ-ში, რკინიგზის სადგურ ულან-ხოლიდან 42 კმ-ში. დაფუძნდა 1870 წელს როგორც ცენტრალური რუსეთიდან გადასახლებულ გლეხთა დაბა. ყალმუხეთის ასსრ (1935–1943, 1958–1994), ასტრახანის ოლქის (1943–1957), ყალმუხეთის აო (1957–1958) და ყალმუხეთის რესპუბლიკის (1994-დან) ლაგანისა (1935–1944, 1995-დან) და კასპიის (1944–1963, 1965–1995) რაიონების ცენტრი. 1936 წლიდან მუშათა დაბაა. 1944 წელს ყალმუხების დეპორტაციისა და ყალმუხეთის ასსრ-ის ლიკვიდაციის შემდეგ სახელი შეიცვალა და კასპიისკი ეწოდა. 1963 წლიდან ქალაქია. 1991 წელს წინა სახელი დაუბრუნდა. ქალაქში მდებარეობს ბუდისტური ტაძარი (1995), მხარეთმცოდნეობის მუზეუმი (1977; პროფ. ნ. ნ. პალმოვის სახელობის ყალმუხეთის რესპუბლიკური მხარეთმცოდნეობის მუზეუმის ფილიალი). 2008 წელს წმ. ნიკოლოზის ეკლესიის (1884; თანამედროვე დროში დანგრეულია) ადგილზე დაიწყო ტაძრის მშენებლობა. განვითარებულია სამშენებლო მასალების წარმოება; განთავსებულია მცირე ზომის კვების მრეწველობის საწარმოები (მ. შ. თევზგადამამუშავებელი). რაიონში — მეთევზეობის მეურნეობები.
| ქალაქი | |||
|---|---|---|---|
|
ლაგანი | |||
| |||
| ქვეყანა |
 რუსეთი | ||
| ფედერაციის სუბიექტი | ყალმუხეთი | ||
| რაიონი | ლაგანი | ||
| კოორდინატები | 45°23′00″ ჩ. გ. 47°22′00″ ა. გ. / 45.38333° ჩ. გ. 47.36667° ა. გ. | ||
| დაარსდა | 1870 | ||
| ადრეული სახელები |
1944 წლამდე — ლაგანი 1991 წლამდე — კასპიისკი | ||
| ამჟამინდელი სტატუსი | 1963 | ||
| ფართობი | 91.38 კმ² | ||
| ცენტრის სიმაღლე | 0 მეტრი | ||
| ოფიციალური ენა | ყალმუხური და რუსული | ||
| მოსახლეობა | 13 137[1] კაცი (2017) | ||
| ეროვნული შემადგენლობა | ყალმუხები, რუსები და სხვ. | ||
| სასაათო სარტყელი | UTC+3 | ||
| სატელეფონო კოდი | +7 84733 | ||
| საფოსტო ინდექსი | 359221[2] | ||
  | |||
ლიტერატურა
რედაქტირება- ЛАГАНЬ დაარქივებული 2019-07-12 საიტზე Wayback Machine. // Большая российская энциклопедия. Том 16. Москва, 2010, стр. 561.
სქოლიო
რედაქტირება- ↑ 1.0 1.1 Численность населения Российской Федерации по муниципальным образованиям на 1 января 2017 года (31 июля 2017). Дата обращения 31 июля 2017. Архивировано 31 июля 2017 года.
- ↑ Почтовые индексы России